كولیژا پەروەردە - ئاكرێ
ئه‌ڤرۆ ڕۆژا سێشەمبی ڕێکەڤتی (2020/6/30) هێژایان (پ.هـ.د.لقمان) هـاریكارێ سەرۆکێ زانکۆیا دهۆکێ بۆ کاروبارێن زانستی و خواندنا بلند و سەرپەرشتیارێ لیژنا پروسێسا خواندنا ئەلکترونی و (م. دیار ) رێڤه‌رێ تۆمارا گشتی یا زانکۆیا دهۆك، سه‌رەدانا كولیژا مه كر و ب گه‌رمی ژلایێ هێژا (پ.هـ.د. كریم محمد ككو ) راگرێ كولێژێ هاتنه پێشوازیكرن. پشتی دیتن و بسه‌ركرنه‌ڤه‌یا چه‌وانییا برێڤه‌چوونا تاقیكرنێن خواندنا بلند (ماسته‌ر)ێ. ناڤبرییان ل هولا (فه‌زلوونیا) کۆلیژا مه، ب سەرپەرشتییا هێژا (پ.هـ.د.کریم محمد ککو) راگرێ كولیژا په‌روه‌رده - ئاكرێ، ب ئاماده‌بوونا ئەندامێن جڤاتێ و سه‌رۆكێن لیژنێن ئه‌زموونان ل خواندنا (سپێدان - ئێڤاران) و به‌رپرسێ دلنیا جوری و به‌رپرسێ خواندنا ئەلکترونی ل كولیژا مه و به‌رپرسێ لقا قوتابیان_ ئاكرێ. ب لبه‌رچاڤگرتنا رێنمایێن ته‌ندروستی كومبوونه‌ك ل سه‌ر چه‌وانیا بڕێڤەچوونا پڕوسێسا خواندنا ئەلکترۆنی، نه‌خاسمه هه‌لسه‌نگاندنا قوتابیان یا دوماهییا سالا خواندنێ (2019-2020) ئه‌نجامدان و تێدا ب تێرو ته‌سه‌لی روناهی ئێخسته سه‌ر گرفت و ئاسته‌نگێن به‌رده‌م پروسه‌یێ و رێگه‌چاره‌یێن پێتڤێ ژی هاتنه دیاركرن. ل دوماهیێ كومبوون ب پشكداری و دانوستاندنا هه‌می ئاماده‌بوویان ده‌وله‌مه‌ندتر لێهات و هێژا هاریكارێ سه‌رۆكێ زانكویێ بناڤێ سه‌رۆكاتیا زانكویێ سۆپاسی و ده‌ستخۆشی ل هه‌می ماموستاو ستافێ ئاكادیمیێ كولیژێ كر، ل هه‌مبه‌ر ره‌نج و ماندیبوونا ئه‌وان ژ پێخه‌مه‌ت سه‌ركه‌فتنا ئه‌ڤێ پرۆسه‌یێ.