College of Education - Akre

#کومبوون...

ئەڤرۆ ڕۆژا دووشەمبی ڕێکەفتی (۲۰۲۰/۲/۳) ب سەرپەرشتیا ڕێزدار (پ.ه. د.کریم محمد ککو) ڕاگرێ کۆلیژا پەروەردە -ئاکرێ و ب ئامادەبوونا هاریکارێ ڕاگری و نوێنەرێ ماموستایان ل هۆلا جڤاتا کۆلێژێ کومبوونەکا ڤەکری بۆ ماوێ (۳)دەمژمێران دگەل ماموستایێن کۆلێژا مە ئەنجامدا. ل دەسپێکێ ڕاگرێ کۆلیژێ ب گەرمی خێرهاتنا هەمی ماموستایێن ئامادەبوو کر و سۆپاسی و دەستخوشی ل ئەرک و ماندیبوونا هەمی ماموستایێن کولیژێ کر. کو د ماوێ بوریدا ئەرکێ خۆ ب باشترین شێوە بێ درێغی ئەنجامدایە. هەلبەت مەبەست ژ ئەڤێ کومبوونێ ئەو چەند بوو کۆ پەیوەندیێن خورت دروست بن دناڤبەرا ڕاگرییا کۆلیژێ و هەمی ماموستایان، دیسان ژ نێزیکڤە گوهداریا ماموستایان بکەت. بۆ چەوانیا بلندکرنا ئاستێ زانستی و خزمەتکرنا کولیژێ و پێنگاڤێن زێدەتر بۆ گەهشتن ب زانکۆیەکا سەربەخۆ و چەوانیا دەوامێ و سەرەدەریکرن دگەل ڕێنمایێن بەرکارێن وەزارەتا خواندنا بلند و ڤەکولینێن زانستی. زێدەباری هند بابەتێن دیتر... پاشان ڕاگرێ کۆلیژێ دەرگەهێ دانوستاندنێ ڤەکر و دەرڤەت دا ماموستایان کۆ هەر ئێکی ژ ئەوان ب ئاوایەکێ راستەوخۆ سەرنج و داخازی و پێشنیارێن خۆ ئاراستەی ڕاگری بکەت و جەنابێ ڕاگری ب دلەکێ ڤەکری و ژ نێزیکڤە گوهداریا هەمی سەرنج و پێشنیاری و داخازیێن ئەوان کر و هەمی ئەو سەرنج و پێشنیار و داخازی ب گرنگ هاتنە وەرگرتن و تومارکرن. ل دویماهیێ جەنابێ ڕاگری هیڤی خواست کۆ ئەڤ جۆرە کومبوونە د بەردەوام بن، بۆ ئەوێ چەندێ کۆ ب هەڤڕا و ب ئاوایەکێ باشتر و جوانتر خزمەتا کولیژێ بکەن.