College of Education - Akre
پانێلەک جهێن شینواری و کەلەپوورێن پارێزگەها دهۆکێ د دەتە دیاریکرن.
ئەڤرۆ ڕۆژا دووشەمبی ڕێکەفتی (٤-٩-٢٠٢٣) ل ژێر چاڤدێرییا بەرێز (پ.د.منهل الهام عبدال) سهرۆكێ زانكۆیا ئاكرێ بۆ زانستێن کرداری و ب سهرپهرشتییا بەرێز (پ.هــ.د.رشاد كمال مصطفی) ڕاگرێ كۆلیژا پهروهرده- ئاكرێ.
ڕاگرییا كۆلیژا پهروهرده - ئاكرێ،ب هەڤکاری دگەل رێڤەبەریا شینوار و کەلەپوورێن پارێزگەها دهۆکێ رابوون ب ڕێکخستنا پانێلەک ل ژێر ناڤۆنیشانێ (گرنگیا شینوارێ بۆ کەرتێ گەشت و گوزارێ) ل هۆلا فەزلۆنی یا کۆلیژا پەروەردە بەئامادەبوونا رێڤەبەرێ گشتی یێ شینوار و کەلەپوورێن هەریما کوردستانێ و رێڤەبەرێ گشتی یێ گەشت و گۆزاری پارێزگەها دهۆکێ هەروەهاب ئامادەبوونا ژمارەیەک ل رێڤەبەر و کار بدەستێن حزبی و حکومی ییێن دەڤەرا ئاکرێ و بەردەرەش ئەڤ پانێلە برێڤەچوو.
هەژی ئاماژە پێدانێ یە ئەڤ پانێلە ژلایێ کەسانێن بیانی ییێن پسپۆر و ئەکادیمی ل بوارێن شینوارێ هاتە پێشکێشکرن :-
١- تەوەرێ ئێکێ لسەر «پاركا سهنحاری یا شینواری» هاتە پێشكێشكرن ژلایێ:-
-(پ.د. دانیێل موراندی) ل زانکۆیا ئۆدینە یا ئیتالی
-(پ.هـ.د. فرانسیسكا سیمی) ل زانکۆیا ئۆدینە یا ئیتالی.
٢-تەوەرێ دوویێ لسەر « كهلتورێ دهڤهرا ئاكرێ و شیانیێن وێ ژبۆ وهراركرنا گهشت و گۆزارێ» هاتە پێشکێشکرن ژلایێ (پ.د. رافایێل كولونسكی) یا زانکۆیا میكیڤیتچی یا پۆلهندی.
٣-- تهوهرێ سێیێ«ڤهكۆلین و پشتهڤانیا كهلتورێ شینواری ل قهزا ئاكرێ «پرۆژی باژێره یا شینواری وهك نموونه»» هاتە پێشکێشکرن ژلایێ(پ.ھ.د. ڤالانتینا ڤیزولی) ل زانكۆیا ئۆدینه یا ئیتالی.
ئەڤ پانێلە دهاتە برێڤەبرن ژلایێ (د.بیکەس جمال الدین حسن) رێڤەبەرێ شینوارێ ل پارێزگەها دهۆکێ و راستەوخۆ دهاتە وەرگێران ژلایێ ماموستا (جابر دیوالی).
پشتی ب دوماهیک هاتنا پانێلێ دەرگەهێ پرسیاران هاتە ڤەکرن، چەند پرسیار و پێشنیار ژلایێ ئامادەبوونڤە ئاراستەی پێشکێشکارێن ئەڤێ پانێلێ هاتە کرن و هاتنە بەرسڤدان.
ل دوماهیکا پانێلێ ڕێزلێنان پێشکێشی رێڤەبەر و پێشکێشکارێن پانێلێ هاتە کرن.