(( كورتییهك ل سهر كولیژا چاندن ودارستان / زانكویا میسل ))
كولیژا چاندن ودارستانێ ل زانكویا میسل ل هاڤینا سالا 1964 هاتیه دامهزراندن و ل دهمێ خودا ل بن چاڤدێریا زانكویا بهغدا بو تاكول ئێكێ ههیڤا نیسانا سالا1976 روژا دامهزراندنا زانكویا میسل و د هاته هژمارتن وهكو ئێك ژ چار كولێژی بنهرهتێنزانكویا میسل, و ژ سێ پشكێن تایبهتین زانستێن چاندنێ (دارستان,بهرههمێ رووهكى وبهرههمێ گیانهوهرى) پێكدهات و ل ههمان سال كولیژا چاندنێ هاته ڤهگوهاستن ژ بو ناوچا حمام العلیل ب دیوراتییا 25 كیلومیتران ژ باشورێ میسل كو ههمى ئاڤاهیین پشكێن سهرهكى و لابور و زهڤیێن تایبهت ب دارستلن,بهرههمێ رووهكى وبهرههمێ گیانهوهرى هاتنه ئاڤاكرن.و پشتى رویدانین سالا 2003 كولیژ هاتهڤهگواستن ژ بو جهێ ههردهمى ل باژێرێ میسل ل سهنتهرێ رهوشنبیرى ل (المجمع الاول) یێ زانكویا میسلدهمێ خواندنا دهستپێكى چوار سالن و باوهرناما بكالوریوسێ د زانستێن چاندنێ د ههمى بسپوریان دا دهێنه دان, ههروهسا باوهرنامێن ماستهر و دكتورایێ د بسپوریین هویر دهێنه دان بو زانین ئێكهم باوهرناما دكتورایێ ل زانكویا میسل ل پشكا بهروبومێ كێلگههى ل سالا 1987 هاتبو دان.
(( كورتییهك ل سهر كولیژا چاندنێ / زانكویا دهوك ))
كولیژا چاندنێ ل زانكویا دهوك ل سالا 1992 هاتیه دامهزراندن وههر ژ دامهزراندنا زانكویا دهوكدگهل كولیژا نوژدارى ل ناوجهدارییا سێمێلێ ب دویراتییا 15 كیلومیتران ژ روژئاڤا سهنتهرێ پارێزگهها دهوكێ.ئاڤاكرنا كولێژێ وهكو پێتڤییهكا بهرچاڤ ژبو ورارو پێشڤهبرنا كاودانێن چاندنێ ژ بو دهڤهرێ و ههرێما كوردستانا عیراقێ دهات كو دهێته هژمارتن دهڤهرهكا نمونه ژبو چاندنا دهرامهتێن جوراجورو ههروهسا ژبو وهبهرهینان و پێشڤهبرنا سامانێن گیانهوهرى..ل پێشهكى كولێژ ل دوو پشكێن زانستى كو پشكا بهرههمێ رووهكى و پشكا بهرههمێ گیانهوهرى. ل دهستپێكێ كولیژ ب شیانێن گهلهك كێم ئاڤا بو و ل پاشى پێشڤهچوو و بهرفرهه بوو , بگره ژ لایێ ئاڤاهیین پشكێن زانستى و لابور و كهرهست وئامیرێن لابورا, زهڤیێن تایبهت ب دارستان, بهرههمێ رووهكى وبهرههمێ گیانهوهرى پێك دهات بهلێ نوكه ژ ههشت پشكێن زانستى دگهل تایێ زانستێن بنهرهت پێك دهێتن.
دهمێ خواندنا دهستپێكى چوار سالن و خواندن ب زمانێ ئینگلیزیه و باوهرناما بكالوریوسێ د زانستێن چاندنێ د ههر ههشت بسپوریان دابو دهرچویان دهێنه دان, ههروهسا باوهرنامێن ماستهر و دكتورایێ د بسپوریین هویر دهێنه دان كو پهیوهندى ب بسپوریین پشكێن زانستى ڤه ههبیت.