ب هەلکەفتا ١٨ ی شواتێ سالرۆژا دامەزراندنا ئێکەتیا قوتابیێن کوردستانێ، کولیژا پەروەردا بنیات- ئامێدیێ ب هەڤکاری ل گەل پەیمانگەها تەکنیکی یا ئامێدیێ، ئەڤ یادە ساخکر. ل دەسپێکێ ل بارەگایێ لقێ ١٨ پیروزباهی پێشکێشی ستافێ هەردوک رێخراواێن ئێکەتیا قوتابیان وئێکەتیا لاوان کرن. ول دویڤرا ل هولا رێڤەبەریا پەروەردا ئامێدیێ چالاکیێ دەستپێکر. ب بەرهەڤبوونا بەرێز ( برڤان حمدی)بەرپرسێ لقێ ١٨ و هێژا (وارشین سلمان)دەڤەردارێ دەڤەرا ئامێدیێ و رێڤەبەرێ پەروەردا قەزا ئامێدیێ و پەرلەمانتار و رێڤەبەرێن رێڤەبەریێن میری و کەساتیێن جڤاکی و ماموستا وقوتابیێن کولیژێ وپەیمانگەهێ. ئەڤێ چالاکیێ چوار برگە بخوەڤەگرتبوون. گوتارەک ژلایێ بەرپرسێ لقێ ١٨ ڤە هاتە خواندن ل دۆر رول وگرنگیا ئێکەتیا قوتابیان و دیروکا ڤێ رێکخراوێ یا پری خزمەت. پاشی بەریکانەک هاتە برێڤەبرن بۆ قوتابیێن کولیژا مە و پەیمانگەهێ. دبرگا سیێ دا خەلات هاتنە دابەشکرن بۆ ئەوان قوتابیێن چالاک و زیرەک ل هەردوک ناڤەندێن مە خواندنێ ل کولیژێ وپەیمانگەهێ. ل دویڤرا ئاهەنگەک هاتە رێکخستن ژبۆ هندێ کو قوتابی خوشی وشادیا خۆ ب ئەڤێ هەلکەفتێ دەەببرن.