ل دیڤ نڤیسارەكا فەرمی یا زانكۆیا دهۆك هژمارە (8803) ل 26/9/2019 پێك ئینانا لیژنەكا تایبەت بو دیاركرنا نوینەرێ ماموستایان ل سەرجەم كولیژێن زانكۆیا دهۆك و هەروەسا دیاركرنا نوینەرێ ماموستایان ل جڤاتا زانكۆیێ ژی ئەڤ لیژنە پێك دهات ژ دكتۆر میرزا مراد نوینەرێ خولا بەرێ یێ ماموستایان ل جڤاتا زانكۆیێ و ماموستا هشیار سعید رێڤەبەرێ كارگێری وخویەتی وكاوە صالح رێڤەبەرێ كاروبارێن یاسایی.
د هەلبژارتنا نوینەرێ ماموستیان ل جڤاتا زانكۆیا دهۆك دكتور میرزا مراد نوینەرێ بەرێ ل جڤاتا زانكۆیێ وسەروكێ لژنا هەلبژارتنا نوینەرێ ماموستایان گوت" ئەو كەسێ دبیتە نوینەرێ ماموستیان ل جڤاتا زانكۆیێ ئەركەكێ گران دكڤیتە سەر ملێن وی لەورا پێتڤیە ل سەر وی نوینەراتیا هەمی ماموستایێن سەرجەم كولیژێن زانكۆیا دهۆك بكەتن و دەنگێ ماموستا وگەلەو گازندێن وان بگەهینتە جڤاتا زانكۆیا دهۆك.
هشیار سەعید ریڤەبەرێ كارگێری وخویەتی ل زانكۆیا دهۆك ئەندامێ لژنا هەلبژارتنا نوینەرێ ماموستایان گوت"ئەڤە ماوەیەكە ئەم مژیلی هەلبژارتنا نوینەرێ ماموستایان ل 18 كولیژێن زانكۆیا دهۆك خوش بەختانە پشتی دوماهی هاتنا ڤێ پرۆسێ ل 2/12/2019 ل سەنتەرێ رەوشەنبیری و جڤاكی زانكۆیا دهۆك ئەم ئامادەبووین بۆ هەلبژارتنا نوینەرێ ماموستایان ل جڤاتا زانكۆیێ ماوێ نوینەراتیا دوو سالن خولا بەری نوكە دكتور میرزا مراد نوینەربوو ئەم سوپاسیا وی دكەین.
رێڤەبەرێ كارگێری وخویەتی گوت" ب ئامادەبونا سەرجەم نوینەرێن هەلبژارتی یێن كولیژێن زانكۆیا دهۆك دەرگەهێ خو كاندیدكرنێ ژلایێ لیژنا ناڤبری ڤە هاتە ڤەكرن، و ماموستا نیبار بدیع عبدالعزیز ماموستا ل كولیژا زانستێن مرۆڤایەتی هاتە هەلبژارتن بو دوو سالان وەك نوینەرێ ماموستایان ل جڤاتا زانكۆیا دهۆك.