ل روژا سێشەمبی ٢٠٢٣/٤/١٨، سەنتەرێ ڤەکولینێن جینوسایدێ-زانکویا دهوك، ب ئامادەبوونا سەروکێ زانکویا دهوك د. داود ئەتروشی، ورکشوپەك ئەنجامدا لژێر ناڤێ (سەڕبور ژ پێشکێشکرنا سمینارێن جینوسایدێ ل قوتابخانەیان) بو پەشداربوویێن پروژێ سەرەدانا قوتابخانان و پێشکێشکرنا سمیناران دەربارەی جینوسایدێ بو قوتابیێن دواناڤنجی و ئامادەیی.ل دەستپێکێ، سەروکێ زانکویێ باس ل گرنگیا چالاکیێن خوبەخش یێن قوتابیان کر لسەر پروسەیا ئەکادیمی و دەستخوشی ل بەشداربوویان کر ژبو ئەڤێ دەستپێشخەریێ. لدویڤدا، رێڤەبەرێ سەنتەری د. سالم جاسمی پەیڤا دەستپێکی پێشکێشکر و باس ل گرنگیا چالاکیێن دەربارەی جینوسایدێ کر لسەر بیردانکا مللەتان بتایبەت لدەمێ ژلایێ قوتابیێن گەنج ڤە دهێنە ئەنجام دان. پشتی پەیڤا رێڤەبەرێ سەنتەری ب دووماهی هاتی، پەنەڵی دەستپێکر ب بەشداریا محمد حسن رێکخەرێ پروژەی، سەگڤان سلێمان قوتابی ل پشکا ئاشتی و مافی مروڤ، ابراهيم سعيد و ژیان صدیق قوتابی ل پشکا پەیوەندیێن نێڤدەولەتی، و دیلان انس قوتابی ل پشکا وەرگێرانێ کو باس ل سەڕبورا خو کر د سەرەدانێن قوتابخانان دا و چەندین راسپاردە و تێبینی گەنگەشکرن ل دوماهیا پروژەی.