College of Education - Akre
ب هەلکەفتا سالا نوی یا خواندنێ (٢٠٢٣-٢٠٢٤) دوو کۆمبوون ل کۆلیژا پەروەردە هاتنە ئەنجامدان.
لرۆژا ئێکشەمبی رێكەفتی (٣-٩-٢٠٢٣) ب هەلکەفتا سالا نوی یا خواندنێ (٢٠٢٣-٢٠٢٤) بەرێز (د.رشاد کمال مصطفی) ڕاگرێ کۆلیژا پەروەردە-ئاکرێ و بەرێز (د.مکنون محمدطاهر) هاریکارێ ڕاگرێ کۆلیژێ و بەرێز (د.سهل بهاءالدین) نوێنەرێ ماموستایێن کۆلیژێ دگەل هەمی ماموستایێن کۆلیژا مە کۆمبوون.
هەر دیسان ئەڤرۆ رۆژا سێ شەمبی ڕێکەفتی (٥-٩-٢٠٢٣) ل دەمژمێر (١٢) پشتی نیڤرۆ ڕاگریا کۆلیژا پەروەردە و رێڤەبەرێ کارگێرییێ کۆلیژا دگەل هەمی فەرمانبەرێن بەرێزێن کۆلیژا مە کۆمبوون.
ل دەسپێکا هەردوو کۆمبووناندا ڕاگریا کۆلیژێ پیرۆزبایی ئاراستەی هەمی ماموستا و فەرمانبەران کرن ب هەلکەفتا دامەزراندنا زانکۆیا ئاکرێ بۆ زانستێن کرداری و سالا نوی یا خواندنێ (٢٠٢٣-٢٠٢٤).
د ئەڤان کۆمبووناندا بەحسی چەندین تەوەرێن هەمەجۆر هاتەکرن:-
- د کۆمبوونا دگەل ماموستایان بەحسێ چەندین تەوەران هاتە کرن ژ ئەواناژی وەکی خۆ ئامادەکرن بۆ سالا نوو یا خواندنێ و بلندکرنا هەستا نیشتیمانی و نەتەوەیی ل دەڤ قوتابیان و بکارئینانا نویترین شێوازێن وانەگۆتنێ و گرنگیدان ب ڤەکۆلینان تایبەت ئەوێن لەسەر چارەسەکرنا کێشە و گرفتێن جڤاکی و هاندانا قوتابیان بۆ خواندنێ و زانینێ و پەروەردەکا ساخلەم.
-و ل کۆمبوونا ئەڤڕۆدا دگەل فەرمانبەرێن بەرێزێن کۆلیژێ بەحسێ هژمارەیەکا خالان هاتەکرن بۆ هندێ کۆ فەرمانبەرێن کۆلیژامە ل کارگێری و یەکێن دیتریێن کۆلیژێ ب شێوازەکی باشتر کاروبارێن پیێ دێهێتە راسپاردن برێڤەببەن.