College of Education - Akre
ئێکەمین کۆمبوونا جڤاتا کۆلیژا پەروەردە ل سالا نوی یا خواندنی(٢٠٢٣-٢٠٢٤) هاتە ئەنجامدان.
ئەڤرۆ ڕۆژا ئێک شەمبی ڕێکەفتی (١٠-٩-٢٠٢٣) جڤاتا کۆلیژا پەروەردە دسالا نوی یاخواندنێ (٢٠٢٣-٢٠٢٤) ب سەرپەرشتی یا بەرێز (د.رشاد کمال مصطفی) ڕاگرێ کۆلیژا پەروەردە و سەرۆکێ جڤاتی و ب ئامادەبوونا بەڕێز (د.مکنون محمد طاهر) بریاردەرێ جڤاتی و هاریکاری ڕاگرێ کۆلیژێ و هەمی ئەندامێن بەڕێزێن جڤاتی و نوێنەرێ قوتابیان ل دەواما سپێدەیان و ئێڤاران ئێکەمین کۆمبوونا خۆ ئەنجامدا.
د ئەڤێ کۆمبوونێدا گەلەک تەوەر و بابەتێن جۆر ب جۆر هاتنە بەحسکرن و گەنگەشەکرن:-
ل دەستپێکا کۆمبوونێدا بەڕێز ڕاگرێ کۆلیژێ پیرۆزباهی یا سالا نوی یا خواندنێ و دامەزراندنا زانکۆیا ئاکرێ بۆ زانستێن کرداری ل هەمی ئەندامێن بەرێزێن جڤاتێ کر.
هەروەها د ئەڤێ کۆمبوونێدا چەندین بابەتین گرێدایی کاروبارێن گشتی و زانستی و قوتابیان هاتنە بەحسکرن و گەنگەشەکرن :-
وەکی دانانا پلانێن خواندنێ و خۆئامادەکرن بۆ سالا نوی (٢٠٢٣-٢٠٢٤) دانانا لیژنێن سەرئاستێ کۆلیژێ و سەر ئاستێ پشکێن زانستیین کۆلیژێ و زێدەتر گرنگیدان ب ڤەکۆلینان و دانانا پلانا دبلۆما بلند و ماستەر و دکتۆرایێ .
د تەوەرێن دیتردا بەحسی گرنگیدان ب هۆشیاریا و نیشتمانی و نەتەوەیی و بلندکرنا ئاستێ زانستیێ قوتابیان و پێگیریکرن ب ڕێنماییان و بریار هاتەدان لسەر دانانا بۆردان لسەر ئاستێ هەمی پشکێن زانستێن کۆلیژی بۆ گۆرینا پرۆگرامێن خواندنێ کۆ بگونجیت دگەل زانکۆیا ئاکرێ بۆ زانستێن کرداری.هەر دیسان گەنگەشە هاتەکرن لسەر کاراکرنا سەنتەرێ ڤەکۆلینان و نڤیسینگەها شیرەتکاری و دەروونی ل کۆلیژێ.