بەشێ بایولوجی ل کولیژا زانست سەرەدانا چەندین سازیێن حکومی کر
ب مەبەستا پەرەپێدان و گونجاندنا پرۆگرامێن خواندنێ دگەل پێدڤیێن جڤاکی و دام و دەزگەهێن میری و کەرتێن تایبەت و بازارێ کاری و ژبو پێخەمەت بلندکرنا ئاستێ زانستی و کارامەییێ دەرچویێن زانکویێ و بدەستڤەئینانا دەلیڤێن کاری، چەندین لیژنێن پسپور هاتنە پێکئینان د بوارێن جودا جودا ل بەشێ بایولوجی / کولیژا زانست / زانکویا دهوك و لدویف فەرمانا کارگێری یا ژمارە ( 1078 ) ل رێکەفتی 2023/5/7 چەندین سەرەدانێن مەیدانی هاتنە ئەنجامادان بو چەندین رێڤەبەری و سازیێن میری یێن جودا جودا ل پارێزگەها دهوك وەک ل خوارێ:
1- رێڤەبەریا ساخلەمیا دهوك
2- رێڤەبەریا پولیسێن پارێزگەها دهوك
3- رێڤەبەریا ژینگەها دهوك
4- رێڤەبەریا پەروەردا دهوك
5- رێڤەبەریا چاندنا پارێزگەها دهوك
6- سەندیکا بایولوجی – دهوك
7- رێڤەبەریا ڤیتەرنەری یا پارێزگەها دهوك
8- رێڤەبەریا سایلویا پارێزگەها دهوك
9- رێڤەبەریا پێشەسازی و بازرگانیا دهوك
10- باژێرڤانیا دهوك
دەرئەنجام و پێشنیارێن ڤان سەرەدانا د راپورتەکا تێروتەسەل دا هاتە پێشکێشکرن بو راگریا کولیژێ ب مەبەستا کارلسەرکرنێ. جهێ ئاماژەپێدانێ یە کو ئەڤ سەرەدان و هەماهەنگیە گرێدانا زانکۆیێ ب پێتڤیێن جڤاکی و بازارێ کاری پتر دکەت کو زانکۆ بشێت خۆ پتر دگەل پێداویستیێن سەردەمی یێن جڤاکی بگونجینیت و خو ل ئارێشێن جڤاکی بکەتە خودان.
