د چارچوڤێ بهێزکرنا پەیوەندیێن زانستی دگەل سازیێن نیڤ دەولەتی، پشکا فیزیک ل کولیژا زانست و ب هەولێن ماموستایێ پشکێ رێزدار پ. د. هەڤال یونس بو ئێکەم جار لسەر ئاستێ روژهەلاتا ناڤەراست و عیراقێ و هەرێما کوردستانێ، چاپتەرەک بۆ زانکویا دهوك – کولیژا زانست ل کومەڵا قوتابیێن فیزیایی یا ئەمریکیThe UoD Society of Physics Students ( UoD SPS ) - هاتەڤەکرن
SPS سازیەکا ئەکادیمی یا پروفێشوناڵە هاتیە دامەزراندن ل وەلاتێ ئەمریکا ژ بو خزمەتکرنا قوتابیێن بیاڤێ فیزیایێ و سەرپەرشتێن وان، مەرجێ ئێکانە ژ بو ئەندام بونێ ئەوە کو ئارەزومەند بیت د بیاڤێ فیزیایێ دا و گرنگیدان پێ هەبیت، زێدەباری فیزیایێ، بیاڤێن فەلەکناسی، کیمیا، زانستێن کومپیوتەری، ئەندازیاری، جیولوجی، ماتماتیك و چەند بیاڤێن دیتر دشێن ببنە ئەندام د ڤێ کومەلێ دا.
بو زانین هەر کەسێ ببیتە ئەندام د ڤێ کومەلێ دا دشیان دایە مفای ببینیت ژ خولێن راهینانێ و بەشداربیت د کەمپێن هاڤینێ و پاڵپشتیا دارایی وەرگریت و ڤەکوڵینان و پروژێن دەرچونێ ئەنجام بدەت و پشتەڤانیێ ژ وان وەرگریت بو سەرەدانێن زانستی بو وەلاتێ ئەمریکا هەروەسا ب رێکا وان و بەشدار ببیت دخولێن زانستی دا.
