![]()
رێکەفتنا دناڤبەرا ئەنجوومەنێت کولیژێن زانست یێن زانکویا دهوک وزانکویا (المستنصرية)
ل روژا شەمبی رێکەفتی ٣/١٠/٢٠٢٠ هەڤدیتنەک ب رێکا پروگرامێ زووم هاتە سازکرن دناڤبەرا ئەنجوومەنێت کولیژێن زانست یێن زانکویا دهوک دهوک وزانکویا (المستنصرية) ژبو دروستکرنا رێکەفتنەکێ ب مەرەما هەڤکاریێن ڤەکولین وزانستی یێن هەڤبەش.
بەرێز راگرێ کولیژا زانستێ/زانکویا دهوک پ.د. عزت رؤوف ئامادەبوونا خو بو درێژکرنا پرێت هەڤکاریێ دناڤبەرا هەردوو لادا وتەڤایا شیانێت زانستی ودارایی یێن دەستیریا وان هەی دووپاتکر ژپێخەمەتی کارێن ماموستا وشاندێن خویندکارا.
هەروەسا پ.د. عزت رؤوف ئاماژە دا ب نەهێلانا یان کێمکرنا روتینێ کارگێریێ ددەمێ سەرەدەریێ دگەل تیمێت لێکولینێ ب رێکا لیژنێت هەڤبەش یێن دپێکدێن بۆ ڤێ مەبەستێ.
دهەمان دەم دا راگرێ کولیژا زانست یا زانکویا (المستنصرية) بەرێز پ.د.محمد فرج شذر خویاکر کو رێکەفتنا ئاماژە پێ هاتیە کرن ئەنجامدانەکا ب مفا بو یا هەڤدیتنا ناڤ هاتی وبو سەرچاوەک ژبو درێژەپێدانا هاوکاریێن هەڤبەش دناڤبەرا هەردوو لادا دهەمی بوارێت زانستی دا، هەروەسا مەرەما هەردوو کولیژا ژبو بەرزکرنا ئاستێ ئەکادیمی د دەزگەهێن فێرکرن وزانستێ دا جێبەجێ دکەن. هەروەسا بەرێزی دیارژی کر یێ گەشبینە کو رێکەفتن ببیتە هاندەرەک بو گەشەپێدان وبەرزکرنا ئاستێن شارەزاییێ وشیانێت خویندکار وماموستایان ب شێوەکێ گشتی.
ئەندامێن هەردوو جڤاتا ژی هەول وئامەدەیا خو دیارکرن کو پشتگرێن خالێت ڤێ رێکەفتنێ نە یاکو ل بەرە بێتە ئیمزا کرن دڤان نێزیکادا.
