ئەڤرو د.ئەفراسیاب موسا، رێڤەبەرێ گشتی یێ ساخلەمیێ، ب هەڤالینیا هژمارەک سەرۆک پشک و رێڤەبەرێن نەخۆشخانان، ب مەرەما پیرۆزباهیێ سەرەدانا راگریا کولیژا مە کرن و ژلایێ بەرێز ( د.دلدار حاجی) ڕاگرێ کۆلیژێ و هاریکارێ راگری (د.هشیار) و بەرپرسێ یەکا خاندنا بلند (د.غزوان) ڤە پێشوازی لێ هاتە کرن، پیروزباهی ل راگرێ کولیژێ هاتە کرن ب هەلکەفتا دەست ب کاربوونا وی وەکو ڕاگرێ اصیل، و داخازا سەرکەفتنێ بو هاتە کرن.
د گەنگەشەکێ دا دگەل سەروکێ ساخلەمیێ و نوژدارێن دگەل دا تەکەز هاتە کرن ل دۆر چاوانیا هەڤکاریێ دناڤبەرا کولیژا مە و کەرتێ ساخلەمیێ و بەردەوام بوونا وەڕگڕتنا وانێن پراکتیکی یێن قوتابیێن کولیژێ دناڤ نەخۆشخانە و دەزگەهێن ساخلەمیێ دا.
هەروەسا سەرەرای پیرۆزباهیان سەروکێ ساخلەمیێ بەرهەڤیا رێڤەبەریا گشتی یا ساخلەمیا دهۆکێ دیارکر بۆ هەر پشتەڤانیەکێ، ژ پێخەمەت پێشڤەبرنا پرۆسا خواندنێ و ئاستێ قوتابییان ل کولیژا پزیشکی و پشتەڤانیێ پروسێسا پشت بەستنێ (اعتمادیێ) و پتەو کڕنا پەیوەندیان.