راگر و مامۆستایێن کولیژا زمانان ل رێورەسمێن پەرتووکەکا ئەکادیمی و پانێلەکێ زانستی ئامادە بوون
راگرێ کولیژا زمانان، پ. د. ابو عبیدە عبدالله ذياب، ل گەل کۆمەکا مامۆستایان ژ پشکێن زانستی یێن کولیژێ (د. مروان عبدي محو، پ. هـ. د. حلیمە خورشید عبداللە، و د. یاسر حسن محمدطاهر) ل رێورەسمێن دانەنیاسینا پەرتووکەکا تایبەت و پانێلەکێ زانستی ل دۆر بلندراگرتنا پێگەهێ زمانێ کوردی و ئاستێ ڤەکۆلینان د ناڤەندێن نێڤدوەلەتی دا پشکدار بوون. پشتی نڤیسەرێ پەرتووکێ، د. بەختیار سەجادی، پەرتووکا خۆ دایە نیاسین، پانێلەکێ زانستی ژ لایێ سێ پرۆفیسۆران ڤە ل دۆر نوانەسازیێ (ئیندکسکرن) و ئاماژەپێویێ (سایتێشن مەتریکس) د نڤیسینێن ئەکادیمیێن کوردی دا هاتە پێشکێشکرن. هەژی گۆتنێ یە، ئەڤ چالاکیە ژ لایێ سازیا ڤژن ئیجوکەیشن ڤە ل هەولێرا پایتەخت ل رۆژا چارشەمبێ رێکەفتی ٥\٦\٢٠٢٤هاتە ئەنجامدان.