د کۆنفرانسێ کۆلیژا پزیشکی یا زانکۆیا کوردستان دا، کو بۆ دەمێ سێ رۆژا هەر ژ ٢٨ـێ شواتێ تاکو ١ـێ ئادارا ٢٠٢٤ـێ، ل هەولێرێ یێ بەردەوامبوو، کۆلیژا پزیشکی یا زانکۆیا دهۆک وەکو ”کۆلیژەکا پێشەنگ د بوارێ پەیرەو و پرۆگرامێن مۆدرێن یێن پزیشکی و پشتبەستنا ئەکادیمی دا“ ژ لایێ سەرۆکێ زانکۆیا کوردستان ڤە هاتە خەلاتکرن.
ماموستایێن کۆلیژا پزیشکی رۆلەکێ سەرەکی و بەرچاڤ هەبوو د پێشکێشکرن و رێڤەبرنا وۆرکشۆپا دا ب تایبەتی د بوارێ نەخۆشیێن زارۆکا دا، د ئەڤی کۆنفرانسی دا.
د. دلدا حاجی مووسا راگرێ کۆلیژا پزیشکی یا زانکۆیا دهۆک، دیارکر؛ ژ بەر چالاکی و رۆلێ سەرەکی یێن ماموستایێن کۆلیژا پزیشکی یا زانکۆیا دهۆک د کۆنفرانسێن ناڤخۆیی و ژ دەرڤە، ل سعودیی و ل هەولێری د ئەڤێ حەفتیێ دا دووجارا زانکۆیا دهۆک هاتیە خەلاتکرن.
راگەهاندنا زانکۆیا دهۆک؛ ١ـێ ئادارا ٢٠٢٤ـێ. حسێن تتمی