![](/media/images/bryr_waezraetY_2024_1.max-1300x1000.jpg)
وەزارەتا خواندنا بلند و ڤەكۆلینێن زانستی و ڕێڤەبەرییا یەكسانیكرنا باوەرنامەیان، لیستا نوی یان ئەوان زانكۆیێن دەرڤەیی وەلاتی رادگەهینیت، كو ژ لایێ وەزارەتێ ڤە پەسەندكر و باوەرپێكری بن بۆ مەرەما مۆلەتا خواندن و هەمی جورێن دی یێن خواندنێ ژ دەرڤەیی وەلات و یەكسانیكرنا باوەرنامەیان.
لیستا نوی یا زانكۆیان دابەشكرینە ب سەر دوو ئاست و پشت ب دوو پیڤەرێن ئەكادیمی یێن نیڤدەولەتی دبەستیت، كو پێكدهێت ژ پیڤەرێ شەنگهای و تایمز.
ئەو داخوازكەرێن دڤێن ژ دەرڤەیی وەلاتی درێژیێ ب خواندنێ بدەن، پێدڤییە ئەڤان خالێن ل خوارێ بەرچاڤ وەربگرن؛
١- لیستا نوی یا زانكۆیێن پەسەندكریێن دەرڤەی وەلات ژ لایێ وەزارەتا خواندنا بلند و ڤەكۆلینێن زانستی ل هەرێما كوردستانێ ژ ئەڤرۆ ٥ـێ خزیرانێ ٢٠٢٤، دێ كار پێ هێتە كرن.
٢- ئەو کەسێن ل دەمودەزگەهێن حکومەتا هەرێما کوردستانێ نەهاتبنە دامەزراندن و دخوازن ژ دەرڤەیی وەلاتی درێژیێ ب خواندنێ بدەن و پشتی تەمامکرنا خواندنێ دڤێت ل هەرێما کوردستانێ کار بکەن، پێدڤیە ب هەمان شێوە ژ ئەڤرۆ پابەند بن ب لیستا نوی یا زانکۆیێن پەسەند کری ژ دەرڤەیی وەلاتی.
بۆ دیتنا لیستا ناڤێ زانکۆیێن باوەرپێکری هیڤیە کلیک ل سەر ئەڤێ بکەن: https://equalization.digital.gov.krd/