وەزارەتا خواندنا بلند و ڤەكۆلینێن زانستی وەلاتییان ئاگەهدار دكەت كو وەلاتێ كۆریا باشوور د چارچووڤێ هەماهەنگییا وەزارەتا پلاندانان و سێنتەرێن ڤەكۆلینێن گرنگیدانا نیڤدەولەتییا كۆریا باشوور (KDI School)هژمارەكا كورسیێن خواندنا ماستەرێ د بوارێن ( سیاسەتا گشتی، سیاسەتا گرنگیدان، ڕێڤەبرنا گشتی، خودانێن هزری و سیاسەتا گەشەپێدانێ ) ل زانكۆیێن وەلاتێ كۆریا باشوور دابین دكەت.
هەر كەسەكێ مەرج ل دەف هەبن و حەزا خواندنێ ل زانكۆیێن وەلاتێ كۆریا باشوور هەبیت دشێن داخوازییا خۆ ب ڕێكا لینكی پێشكێش بكەن؛
https://kdischool.ac.kr/menu.es?mid=a40202000000
مەرج:
- داخوازكەر دڤێت فەرمانبەر یان مامۆستا بیت ل دامودەزگەهێن حکومەتا هەرێما کوردستانێ.
- داخوازكەر دڤێت ب كێمی دوو سال خزمەت هەبیت بۆ ب دەستڤەئینانا دووماهی باوەرنامە.
- داخوازكەر دڤێت سەرجەمێ نمرەیا بەکالۆریۆسێ ژ (٦٥%) كێمتر نەبیت.
- ئاستێ زمانێ داخوازكری ل بەرنامەیەك بۆ بەرنامەیەکێ دی جودایە، دڤێت بەری پێشكێشكرنێ، ب تەمامی هویردەكارییێن ئەڤی بەرنامەی بخوینن کو داخوازییێ بۆ پێشکێش بکەن.
- داخوازكەر دڤێت ل هەمان بوارێ خۆ داخوازی بۆ بەرنامەیێ ماستەرێ پێشکێش بکەت. (ئانكۆ بەکالۆریۆس و ماستەرێ د هەمان بواردا بیت).
- کاندیدێ سەركەفتی ژ لایێ وەزارەتا مە ب تنێ مۆلەتا خواندنێ پێدهێتەدان.
- کاندیدێ سەركەفتی ژ لایێ وەلاتێ کۆریا باشوور پشتەڤانییا دارایی دێ بۆ هێتەكرن، بۆ هویردەكارییێن زێدەتر سەرەدانا مالپەڕی بکەن.
تێبینی:
- هەر کەسەكێ مەرج و ڕێنماییێن تێدا بەرجەستە نەبن، جارادی مۆلەتا خواندنێ بۆ ناهێتەدان.
- بۆ هەر پرسیارەك یان زانیارێن زێدەتر دەسپێكێ سەرەدانا مالپەڕی بکەن.
- ب مەرەما ڤەكرنا فایل سەرەدانا ئەڤی لینکێ ل خوارێ بکەن: