![](/media/images/438293812_750604680567767_1781139949900489.max-1300x1000.jpg)
وەزارەتا خواندنا بلند و ڤەکۆلینێن زانستی، دەلیڤەیا خواندنا ماستەر و دکتۆرایێ ل (MOFCOM) وەلاتێ چینێ راگەهاند.
وەزارەتا خواندنا بلند و ڤەکۆلینێن زانستی، مامۆستا و فەرمانبەر و وەلاتیێن هەرێما کوردستانێ ئاگەهدار دکەت کو وەلاتێ چینێ دەلیڤەیا خواندنێ پێشکێشی هەرێما کوردستانێ کر بۆ مەرەما خواندنا ماستەر و دکتۆرایێ.
هەروەسا هەر کەسێ ئەڤ مەرجە ل دەف هەبن و حەزا خواندنێ ل زانکۆیێن وەلاتێ چینێ هەبیت، ل بەرچاڤ وەرگرتنا ئەڤان تێبینیێن خوارێ، دشێن داخوازیێ ب رێکا ئەڤی لینکێ ل خوارێ پێشکێش بکەن:
https://mega.nz/folder/SZlUFBoJ#FtGI71CXpwNw1UBS2WcwyA
تێبینی: وەزارەت ب تنێ کار ل سەر هەردوو بەرنامەیێن ماستەر و دکتۆرا دکەت.
ـ مەرج و داخوازیێن چینێ بۆ هەردوو بەرنامەیێن ماستەر و دکتۆرایێ:
- باوەرناما دەرچوونێ کو یا پشتراست کری بیت ژ لایێ وەزارەتا خواندنا بلند و وەزارەتا داد و فەرمانگەها پەیوەندییێن دەرڤە و نڤێسینگەها پشتراستکریا باوەرناما یا سەر ب وەزارەتا دەرڤەیا عیراقێ ل هەرێما کوردستانێ.
- باوەرناما ب نمرە، ب هەمان شێوەیێ خالا ئێکێ.
- باوەرناما تایبەت ب نەبوونا پێشینەیێن تاوانان کو ژ لایێ وەزارەتا داد و فەرمانگەها پەیوەندییێن دەرڤە یا پشتراستکری بیت.
- باوەرناما ساخلەمیێ ژ لایێ وەزارەتا ساخلەمی و وەزارەتا داد و فەرمانگەها پەیوەندییێن دەرڤە و نڤێسینگەها پشتراستکریا باوەرناما سەر ب وەزارەتا دەرڤە یا عیراقێ ل هەرێما کوردستانێ بیت.
- تێستا زمانێ ئینگلیزیێ وەك تۆیفل و ئایلتس یان پشتگریەك ل زانکۆیێ کو دیارکەت ب تەمامی خواندن ب زمانێ ئینگلیزی بیت.
- پاسپۆرت کو دەمێ ب سەرڤەچوونێ ژ شەش هەیڤان کێمتر نەبیت.
- سی ڤی و پێرسنەل ستەیتمێنتا داخوازکار.
- بۆ هەر پرسیارەکێ پەیوەندیێ ب ئەڤێ ژمارا تەلەفۆنێ (٠٠٩٦٤٧٥١١٣٧٨٤٢٢) و ئیمێلی (chinaconsul_erbil@mfa.gov.cn) بکەن.
مەرج و داخوازیێن وەزارەتا خواندنا بلند و ڤەکۆلینێن زانستی:
ماستەر:
- پێشکێشکار دڤێت وەلاتیێ هەرێما کوردستانێ بیت.
- پێشکێشکار ئەگەر فەرمانبەر یان مامۆستا بیت ل دامودەزگەهێن هەرێما کوردستانێ، ب کێمی دڤێت دوو سالان خزمەت هەبیت بۆ ب دەستڤەئینانا باوەرناما دووماهیێ.
- پێشکێشکار دڤێت نمرەیا بەکالۆریۆسێ ژ ٦٥ کێمتر نەبیت.
- ئاستێ شیانا زمانێ داخوازکری ژ بەرنامەك بۆ ئێکێ دی جودایە، دڤێت بەری پێشکێشکرنێ، ب تەمامی هەمی هویرکاریێن ئەڤی بەرنامەی بخۆینن کو داخوازیێ بۆ پێشکێش بکەن.
- داخوازکەر دڤێت د هەمان بوارێ خۆدا داخوازیێ پێشکێش بکەت. (ئانکۆ هەمان بوارێ بەکالۆریۆسێ ماستەر ژی بیت).
- پێشکێشکارێ سەرکەفتى ئەگەر یێ دامەزراندى بیت، ئەو دێ ژ لایێ وەزارەتا پەیوەندیدار ڤە ب تنێ مۆلەتا خواندنێ بۆ هێتەدان ئانکۆ ب مووچەیێ بنەرەت و دەرمالەیێن جێگیر.
- پێشکێشکارێ سەرکەفتى ژ لایێ وەلاتێ چینێ ڤە دێ پشتەڤانیا دارایى لێ هێتەکرن، بۆ هویرکاریێن زێدەتر سەرەدانا مالپەرێ دەلیڤەیێ بکەن.
- پێشکێشکارێ ئەڤێ دەلیڤەیێ، مەرجە چ پێشینەکا تاوانى نەبیت و ژ لایێ لایەنێن پەیوەندیدار ڤە هاتبیتە سەلماندن.
- پێشکێشکرنا راستەوخۆ، ب تنێ ب رێکا مالپەرێ سەرەکى یێ دەلیڤەیا چینێ بیت.
تێبینی: بۆ ئەوان بەرێزێن کو داخوازیێ پێشکێش دکەن، پشتى پێشکێشکرنا داخوازیان ب رێکا ئۆنلاین، دڤێت هەتا رۆژا ٢٥-٠٥-٢٠٢٤ـێ دەمژمێر ١٢ نیڤرۆ، ئەڤان پێزانینێن خوارێ بۆ ئەڤى ئێمیلى بهنێرن (maqsood.mohammed@mhe-krg.org): ل دەستپێکێ پەیڤا (MOFCOM) بهێتە نڤیسان، پاش پێزانینێن خوارێ ب زمانێ ئینگلیزى بهێنە فرێکرن.
- ناڤێ تەمام کو وەك پاسپۆرتێ هاتبیتە نڤیسان
- جهێ کارى
- بەرنامەیێ پێشکێشکرى، ئانکۆ ماستەر
- ئیمێل
- تەلەفۆن
دکتۆرا:
- پێشکێشکار دڤێت وەلاتیێ هەرێما کوردستانێ بیت.
- پێشکێشکار ئەگەر فەرمانبەر یان مامۆستا بیت ل دامودەزگەهێن هەرێما کوردستانێ، دڤێت ب کێمی دوو سالان خزمەت هەبیت بۆ ب دەستڤەئینانا باوەرنامێ، بەلێ بۆ دەرچوونا بەرنامەیێ تواناسازی دڤێت ب کێمی پێنج سالان خزمەت هەبیت.
- دڤێت نمرەیا ماستەرێ ژ ٧٠ کێمتر نەبیت.
- ئاستێ شیانا زمانێ داخوازکری ژ بەرنامەك بۆ ئێکێ دی جودایە، بۆ بەری پێشکێشکرنێ، هەمی هویرکاریێن ئەڤی بەرنامەیی بهێمە خواندن بەری پێشکێشکرنێ.
- داخوازکەر دڤێت د هەمان بوارێ خۆدا داخوازیێ بۆ دکتۆرایێ پێشکێش بکەن. (ئانکۆ دکتۆرا د هەمان بوارێ ماستەرێ دا بیت).
- پێشکێشکارێ سەرکەفتى ئەگەر یێ دامەزراندى بیت، ئەو دێ ژ لایێ وەزارەتا پەیوەندیدار ڤە ب تنێ مۆلەتا خواندنێ بۆ هێتەدان ئانکۆ ب مووچەیێ بنەرەت و دەرمالەیێن جێگیر.
- پێشکێشکارێ سەرکەفتى ژ لایێ وەلاتێ کۆمارا چینی پشتەڤانییا دارایی دێ بۆ هێتە کرن، بۆ هویرکاریێن زێدەتر سەرەدانا مالپەرێ دەلیڤەیێ بکەن.
- پێشکێشکارێ ئەڤێ دەلیڤەیێ، مەرجە چ پێشینەکا تاوانى نەبیت و ژ لایێ لایەنێن پەیوەندیدار ڤە هاتبیتە سەلماندن.
- پێشکێشکرنا راستەوخۆ، ب تنێ ب رێکا مالپەرێ سەرەکى یێ دەلیڤەیا وەلاتێ چینێ بیت.
تێبینی: بۆ ئەوان بەرێزێن کو داخوازیێ پێشکێش دکەن، پشتى پێشکێشکرنا داخوازیان ب رێکا ئۆنلاین، دڤێت هەتا رۆژا ٢٥-٠٥-٢٠٢٤ـێ دەمژمێر ١٢ نیڤرۆ، ئەڤان پێزانینێن خوارێ بۆ ئەڤى ئێمیلى بهنێرن (maqsood.mohammed@mhe-krg.org):
ل دەستپێکێ پەیڤا (MOFCOM) بهێتە نڤیسان، پاش پێزانینێن خوارێ ب زمانێ ئینگلیزى بهێنە فرێکرن.
- ناڤێ تەمام کو وەك پاسپۆرتێ هاتبیتە نڤیسان
- جهێ کارى
- بەرنامەیێ پێشکێشکرى، ئانکۆ دکتۆرا
- ئیمێل
- تەلەفۆن
تێبینیێن گشتى: - هەر کەسێ ئەڤ مەرج و رێنمایێن سەری ل دەف نەبن، مۆلەتا خواندنێ بۆ ناهێتەدان.
- بۆ هەر پسیار یان پێزانینەکا زێدەتر دەستپێکێ سەرەدانا مالپەرێ دەلیڤەیێ بکەن، پاش دشێن پەیوەندیێ ب کونسۆلخانەیا گشتی یا وەلاتێ چینێ ل هەولێرێ بکەن، ب رێکا ئەڤێ ژمارا تەلەفۆن و ئیمێلێ ل خوارێ:
تەلەفۆن: ٠٧٥١١٣٧٨٤٢٢
ئیمێل: chinaconsul_erbil@mfa.gov.cn