پشتی ١٢ قوتابیێن کولیژێن جودایێن زانکۆیا دهۆک پشکداری سێ گەڕێن دانوستاندنێن سەنتەرێ World in Conversation ل زانکۆیا پەنسلڤانیا ستەیت یا ئەمریکی بووین و ئاستەکێ بلند نیشاداین، زانکۆیا پەنسلڤانیا ستەیت پشکداریا قوتابیێن زانکۆیا دهۆک ب "سەرکەڤتنەکا مەزن" ناڤکر و ٢٠٠ داخوازنامێن دی یێن پشکداریێ د ڤان دانوستاندنان دا پێشکێشی قوتابیێن زانکۆیا دهۆک کرن.
سەنتەرێ World in Conversation ل زانکۆیا پەنسلڤانیا ستەیت د تویتەکێ دا، وەکو چیرۆکەکا جیهانی یا سەرکەڤتنێ باس ل رۆلێ قوتابیێن زانکۆیا دهۆک کر و هەروەسا دا گرنگیدانا سەرۆکاتیا زانکۆیا دهۆک ب پشکداریێن ئاست بلندێن ڤان قوتابیان، ب تایبەتی ژی دەمێ سەرۆکاتیا زانکۆیا دهۆک دگەل قوتابیێن پشکدار کۆمبووی و د رێورەسمەکی رۆلێ وان بلند نڕخاندی و باوەرنامێن رێزلێنانێ پێشکێشی ڤان قوتابیێن زانا و دەستهەل کرین. سەنتەرێ ناڤبری وێنەکێ رێورەسمێ رێزلێنانێ ژی دگەل تویتا خۆ بەلاڤکر و هەروەسا راگەهاند "ئەم گەلەک خۆشحالین ب پێشوازیکرنا هەڤپشکێن مە یێن نوی".
راگەهاندنا زانکۆیا دهۆک؛ ٣ـی شوبات ٢٠٢٣
عسمەت خابوور