رێڤه‌به‌رێ رێڤه‌به‌ریا خزمه‌تێن پێزانینان ل زانكۆیا دهۆك ئازاد عادل شریف ل رۆژا 17/8/2021 كۆمبوونه‌ك دگه‌ل نوینه‌رێن ویبسایتێن هه‌می كۆلیژێن زانكۆیا دهۆك ل دۆر پێشڤه‌برن و پتر ئه‌كتیفكرنا ویبسایتان و رێكخستنا كاری ب شێوێ ئونلاین ئه‌نجام دا و چار خالێن سه‌ره‌كی هاتنه به‌حس كرن:
ـ نابیت چ كۆلیژه چالاكیێن خۆ ل ویبسایتێ كۆلیژێ بیننه خارێ و دڤێت ئه‌ڤ چالاكیه بهێنه هنارتن بۆ ویبسایتێ فه‌رمی یێ زانكۆیێ داكو رۆمالكرنا چالاكیان یێ وه‌كهه‌ڤ بیت پشتی دهێنه راستڤه‌كرن.
ـ دووپاتی ل سه‌ر نویكرنا داتایان ل ویبسایتێن كۆلیژان و ئه‌و داتایێن گرێدایی كۆلیژان حه‌فتیانه بهێنه نویكرن، و نابیت ژی لاپه‌رێن ویبسایتێ كۆلیژێ د ڤالا بن ژ داتایان و دڤێت یێ پربیت ژ پێزانینان.
ـ پێدڤیه پرۆفایلێن مامۆستایان بهێنه ئه‌بدێت كرن و هه‌می پێزانینێن مامۆستایان تێدا د دیاربن ل سالا وی یا ئه‌كادیمی.
ـ گوگل سكوله‌ر ئه‌وێ گرێدایی رێزبه‌ندیا نشتیمانی هنده‌ك كێماسی یێن د ویبسایێن كۆلیژا دا هه‌ین و دڤێت حه‌تا 1/9 یا ئه‌ڤ ساله بهێنه راستڤه‌كرن و كێماسیێن هه‌ر كۆلیژه‌كی دڤی بیاڤی دا یا بۆ هاتیه دیاركرن داكو بهێنه راستڤه‌كرن.