سەنتەرێ بێشكچی ل زانكۆیا دهۆك ب هەڤكاری ل گەل رێڤەبەریا راگەهاندنا زانكۆیێ و كۆمەلا هەیڤا سۆر یا عیراقی نڤیسینگەها دهۆكێ پشكا گەنجێن خۆبەخش ل رۆژا 5/12/2016 و ب هەلكەفتا رۆژا جیهانی یا خۆپەخشان وورك شۆپەك ل دۆر كلتۆرێ خۆبەخشینێ ل ناڤەندا قوتابیان ل زانكۆیا دهۆك ئەنجام دان.
د ڤی وورك شۆپی دا رێڤەبەرێ نڤیسینگەها كۆمەلا هەیڤا سۆر ل دهۆكێ محمد شنگالی بەحسێ كارێ هەیڤا سۆر كر ب تایبەت ئەو كارێ گرێدایی خۆبەخشینێ و پێشكێش كرنا خزمەتا بێ بەرامبەر د بیاڤێن مرۆڤایەتی و ساخلەمی و نۆشداری دا.
رێڤەبەرێ راگەهاندنا زانكۆیا دهۆك رەمەزان حەمزە بەحسێ كلتورێ خۆبەخشینێ كر و دیاركر كو خۆبەخش ئەو كەسە یێ خو تەرخان بكەت داكو هندەك كەسێن دیتر مفایی ژ شیانێن وی ببینن و ئەو بخۆ ب حەزا خۆ پشكداریێ د كارێ خۆبەخشینێ دا بكەت، گۆت ژی ل دویف پیڤەران خۆبەخشێ فعلی ئەوە یێ د سالێ دا حەفتێ دەمژمێران كارێ خۆبەخشیێ پێشكێش بكەت.