سەرۆكێ زانكۆیا دهۆك پرۆفیسۆر د. مصلح دهۆكی ژ لایێ رێڤەبەرێ كۆمپانیا نیو ستاندەرد یا پشكنین و كونترۆلا جۆری ل هەرێما كوردستانێ د. موەفق سلێمان ل رۆژا 18/7/2018 هاتە خەلات كرن.
رێڤەبەرێ كۆمپانیا نیو ستاندەرد د رێورەسمان دا سوپاسیا سەرۆكێ زانكۆیا دهۆك كر بۆ پشتەڤانیا زانكۆیێ یا بەردەوام دگەل ڤێ كۆمپانیێ هەر ژ هنارتنا مامۆستایێن زانكۆیێ و هاریكاری كرن ب رێكا پێشكێش كرنا شیرەتێن زانستی بۆ كۆمپانیێ.
ژلایێ خۆڤە سەرۆكێ زانكۆیا دهۆك پرۆفیسۆر د. مصلح دهۆكی دەستخۆشی ل كارێ ڤێ كۆمپانیێ كر و داخازا سەركەفتنێ بۆ خاست هەوەسا بەرهەڤیا زانكۆیێ ژی نیشادا بۆ هاریكاریا وان.
هەژی گۆتنێ یە ل سالا بۆری 2017 ب پشتەڤانیا كۆمپانیا نیو ستاندەرد یا پشكنین و كونترۆلا جۆری ل هەرێما كوردستانێ دوو لابۆرێن نوی ل كۆلیژا چاندنێ هاتنە ڤەكرن، كو ڤان لابۆران قوتابیێن بەكالوریۆسێ دێ مفایی ژێ وەرگرن بۆ بكارئینانا وانێن پراكتیكی و هەروەسا قوتابیێن خواندنا بلند و مامۆستایێن كۆلیژێ بۆ ئەنجامدانا ڤەكۆلینێن زانستی دێ ژێ مفا دار بن.