ئەڤرۆ 26/1/2022، و ب ئامادەبوونا، د. لوقمان هادی، هاریكارێ سەرۆكێ زانكۆیا دهۆك بۆ كاروبارێن زانستی و د. جێمس حەسدۆ هەیدۆ، راگرێ كولیژا ئەندازیاری، پشكا تەلارسازی ل کولیژا ئەندازیاری و د چارچۆڤێ وێ هەڤكاریا د ناڤبەرا زانكۆیا دهۆك و زانکۆیا نەزوا یا وەلاتی عومان دا، سمینارەک لژێر ناڤونیشانێ (تاوەر د کەتواری دا) ژ لایێ د. لوئەی عەلی، سەرۆکێ پشکا تەلارسازی و دیزاینکرنا ئاڤاهیان ل زانکۆیا نەزوا یا عومانی، بۆ هژمارەکا قوتابی و مامۆستایان ل ناڤەندا قوتابیان ل زانکۆیا دهۆک هاتە پێشکێشکرن.
لدۆر ڤێ سمینارێ، د. رەنا فەتحی، سەرۆکا پشکا تەلارسازی یا کولیژا ئەندازیاری ل زانکۆیا دهۆک دیارکر کو ڤێ سمینارێ گرنگیا خۆ بۆ قوتابیێن پشکا تەلارسازی هەیە و دێ پتر قوتابیان لدۆر کارێ پراکتیکی یێ تەلارسازیێ ئاشناکەت و ب تایبەتی پشتی ژ زانکۆیێ دەردچن.
پشتی بدویماهیهاتنا سمینارێ، قوتابیێن بەرهەڤبووی پرسیارێن جودا ئاراستەی پێشکێشکارێ سمینارێ کرن.
ل دویماهیێ، کار و دیزاینێن د. لوئەی عەلی د پێشانگەهەکێ دا هاتنە نیشاندان، کو ل گەلەک وەلاتان هاتبوونە ئەنجامدان.