سەرۆکێ زانکۆیا دهۆک سەرەدانا وەزارەتا پەروەردێ کر
Jan. 22, 2023, 11:33 a.m.

ب مەرەما دیارکرنا پلانێن زانکۆیا دهۆک بۆ بلندکرنا کوالێتیا خواندنا ئامادەکرنا مامۆستایێن پەروەردا بنیات، سەرۆکێ زانکۆیا دهۆک سەردانا وەزارەتا پەروەردا حکومەتا هەرێما کوردستانێ کر.

ل ڕێکەڤتی ٢٠٢٣/١/١٩، د. داود سلێمان ئەتروشی سەرۆکێ زانکۆیا دهۆک سەرەدانا وەزارەتا پەروەردا حکومەتا هەرێما کوردستانێ کر و ژلایێ وەزیرێ پەروەردێ ئالان حەمە سەعید ڤە و شیرەتکارێ وەزیری پەروەردێ بورهان ئەرگۆشی ڤە هاتە پێشوازیکرن.

ل دۆر سەرەدانا خۆ بۆ وەزارەتا پەروەردێ، د. داود سلێمان ئەتروشی سەرۆکێ زانکۆیا دهۆک دیارکر کو د ڤێ سەرەدانێ دا گەنگەشەکا تێروتەسەل د ناڤبەرا شاندێ زانکۆیا دهۆک و وەزارەتا پەروەردێ دا هاتەکرن ل دۆر پلانێن زانکۆیا دهۆک بۆ بلندکرنا کوالێتیا خواندنا ئامادەکرنا مامۆستایێن پەروەردا بنیات، هەروەسا تەکەزی ل سەر هەڤکاریا د ناڤبەرا وەزارەتا پەروەردێ و زانکۆیا دهۆک و پەروەردا گشتیا پارێزگەها دهۆکێ هاتەکرن.

هەژی ئاماژێ یە زانکۆیا دهۆک پلانەکا تایبەت هەیە بۆ باشترکرنا خواندنا پەروەردا بنیات، ب هەڤکاری دگەل سێ زانکۆیێن ئەوروپی و ب پشتەڤانیا دارایی یا ئێکەتیا ئەوروپی، کو بریارە ل دەستپێکا ئادارا ئەڤسالە دەست ب بجهئینانا وێ پلانێ ل زانکۆیا دهۆک بهێتەکرن.

عسمەت خابوور و حسێن تتمی

راگەهاندنا زانکۆیا دهۆک، ٢٠ـی کانوینا ئێکێ ٢٠٢٣