ل رێکەڤتی ٢٠٢٢/١٠/٣٠، وۆركشۆپەك ژلایێ پشكا خواندنێن ئاشتیێ و مافێ مرۆڤی ل كۆلیژا زانستێن مرۆڤایەتی و رێكخراوا (Peace Cell Project) یا ژاپۆنی، بۆ قوتابیێن پشكا خواندنێن ئاشتیێ و قوتابیێن كۆلیژێن دی یێن زانكۆیێ رێكخست، ل دۆر فێركرنا ئاشتیێ و چارەسەركرنا ململانێ ب رێیا شانۆیێ.
د ڤی وۆركشۆپی دا هەر ئێك ژ بەرێزان د. لقمان هادی حەسەن هاریكارێ سەرۆكێ زانكۆیێ بۆ كاروبارێن زانستی و خواندنا بلند، د. سەعید خودێدا عەلۆ، راگرێ كۆلیژا زانستێن مرۆڤایەتی و مامۆستا عەدنان یووسف سەرۆكێ پشكا خواندنێن ئاشتیێ و مافێ مرۆڤی و هندەک مامۆستایێن كۆلیژێ بەرهەڤ ببوون، و هاریكارێ سەرۆكێ زانكۆیێ بۆ كاروبارێن زانستی پەیڤەك پێشكێشكر و گۆت "ئەڤ جۆرە چالاكیە گرنگن بۆ قوتابیان داکو شیانێن وان دیارببن، ئەم حەزدكەین ئەڤ جۆرە چالاكیە بەردەوام ببن"، و هەروەسا سوپاسیا رێكخراوا ژاپۆنی ژی كر بۆ هەڤكاریا وان و ئینانا چەند شارەزایان دڤی بیاڤی دا، داكو قوتابی مفایی ژێ وەرگرن.
ل دویڤ دا راگرێ كۆلیژا زانستێن مرۆڤایەتی پەیڤەك پێشكێشكر و تێدا گۆت "ئەز بەختەورم ب دیتنا هندەك قوتابیێن چالاك، و من دڤێت دیاربکەم ژ قوتابیان دکەم كو كەلتۆرێ مە یێ پڕە ژ پێكڤەژیانا ئاشتیانە و پێدڤیە ئەم ڤێ نیشانی خەلكی بدەین"، و راگەهاند ژی "دێ بەردەوام پشتەڤان بین بۆ ڤان جۆرە چالاكیان".
ئەڤ پرۆژە بۆ ماوێ دوو حەفتیان دێ یێ بەردەوام بیت و ل دویماهیێ دێ پشكدار بنە خودان باوەرنامە ب فێركرنا ئاشتیێ ب رێیا شانۆیێ.