ل رۆژا 7/11/2021 ل كۆلیژا زمانان پێشانگه‌هه‌كا په‌رتوكان هاته ڤه‌كرن و دێ بۆ ماوێ پێنچ رۆژان یـا به‌رده‌وام بیت.
راگرێ كۆلیژا زمانان ل زانكۆیا دهۆك، د. محمد صالح عبدالله، دیاركر ب هه‌ڤكاری دگه‌ل په‌رتوكخانا گازی پێشانگه‌هه‌كا په‌رتوكان ل كۆلیژا زمانان كو هژماره‌كا زورا په‌رتوكان تێدا هاتینه نیشادان هاتیه ڤه‌كرن و دێ بۆ پێنچ رۆژان یا به‌رده‌وام بیت.
د. محمد صالح، هه‌روه‌سا دیاركر ب ڤه‌كرنا ڤان جۆره پێشانگه‌هان دێ به‌رێ قوتابیێن مه پتر كه‌ڤیته خاندنێ و پێزانین بمفا تێدا هه‌بن، ژبه‌ر كو گه‌له‌ك قوتابی نه‌شێن یان ده‌م نینه ژبه‌ر خاندنا خۆ سه‌ره‌دانا په‌رتۆكخانێن ژ ده‌رڤه بكه‌ن، له‌وما ئه‌ڤه ده‌لیڤه‌یه بۆ قوتابیان و دێ بیته ده‌رگه‌هه‌كێ دی یێ ره‌وشه‌نبیریێ بۆ قوتابی و مامۆستایێن مه.
د ڤێ پیشانگەھێ دا دۆرێن 500 بۆ 600 ناڤونیشانێن په‌رتووكان هاتینه نیشادان و به‌هرا پتر تایبه‌تمه‌ندیێن قوتابیێن كولیژا زمانان نیشاداینه و داكشاندن دانایه سه‌ر هه‌می په‌رتووكان