ب مەرەما پەیداكرنا دەلیڤێن كاری بۆ گەنجان و ب تایبەتی دەرچوو و قوتابیێن زانکۆیا، ب ئامادەبوونا د. داود سلێمان ئەترۆشى سەرۆکێ زانکۆیا دهۆک و د. نەوزاد عبدللە بەرپرسێ لقا ئێک یا پ د ک و د. ڤیان صەبرى جێگرا بەرپرسێ مەکتەبا رێکخستنا پ د ک ل دهۆکێ و هژمارەکا ماموستا و قوتابیێن زانکۆیا دهۆک، ئەڤرۆ رۆژا دووشەمب، رێكەڤتی 10ـی خزیرانێ، 2024 ل دەمژمێر 10:00ـی سپێدێ تاکو 04:00ـی ئێڤاری، ل سەنتەرێ كۆنفرانسان ل زانکۆیا دهۆک، پێشانگەها دەلیڤێن کاری هاتە ڤەکرن.
د ئەڤ پێشانگەهە، ٦٩ کۆمپانی و رێکخراو و سازیێن جودا دێ پشکداربوون کو تێدا نێزیکی ٢٧٧ دەلیڤێن کاری د بیاڤ و بسپۆریێن جودا دا هاتنە پێشاندان.
هەروەسا ئەڤ پێشانگەهە بوویە رێكەك بۆ هەڤگەهاندنا گەنجان دگەل خودان كار و كۆمپانیان د بیاڤێن جودا دا وپەیداكرنا دەلیڤەیێن چاڤپێكەفتن و دانوستاندنێ د ناڤبەرا وان دا.
هەژى گۆتنێ یە کو ئەڤ پێشانگەهە ژ لایێ سەنتەرێ پەرەپێدانا کارى ل زانکۆیا دهۆک (CDC) ب هەڤکارى ل گەل رێکخراوا ئەنجومەنێ پەنابەران یێ نەرویجى(NRC) هاتیەڤەکرن.
بۆ دیتنا دیمەنێن پێشانگەهێ سەرەدانا لینکێ ل خوارێ بکە:
https://drive.google.com/drive/folders/1vqJvuBYV8TpTshy3oANbFyhnTrezlvZ5?usp=sharing
راگەهاندنا زانکۆیا دهۆک:١٠ـى خزیرانێ ٢٠٢٤.
نیبارێ حەجى
فۆتۆ: محەمەد بێسکى