نڤیسەر و كەساتیێ ناڤدارێ تورك د. ئیسماعیل بێشكچی ل رۆژا 11/10/2018 سەرەدانا زانكۆیا دهۆك كر و ژلایێ سەرۆكێ زانكۆیێ پ. د. مصلح دهۆكی پێشوارزی لێ هاتە كرن.
د روینشتنەكی دا كو رێڤەبەرێ سەنتەرێ بێشكچی یێ ڤەكۆلینێن مرۆڤایەتی ل زانكۆیا دهۆك د. نەشوان شكری ژی یێ بەرهەڤ بوو، سەرۆكێ زانكۆیا دهۆك ئاماژە دا رۆلێ دكتۆر بێشكچی بۆ بەرەڤانی كرنێ ژ دوزا رەوایا گەلێ كورد، ژلایێ خۆڤە بێشكچی سوپاسیا زانكۆیا دهۆك كر بۆ ڤێ گرنگیا پێ دهێتە دان، هەروەسا گەنگەشە ل سەر رەوشا هەرێما كوردستانێ كرن پشتی هەلبژارتنێن 30 ی ئەیلولا دەرباز بووی یێن پەلەمانێ كوردستانێ.
بریارە ل حەفتیا بهێت زانكۆیا دهۆك سمینارەكا بەرفرەه بۆ دكتۆر ئیسماعیل بێشكچی ل هۆلا كۆنفرانسان ئەنجام بدەت، ل دۆر رەوشا نوكە یا هەرێما كوردستانێ ب تایبەت پشتی هەلبژارتنان.