In the memory of Dr. Kamiran Abduulselam
April 13, 2017, 11:58 p.m.

ل رۆژا 12/4/2017 ل هۆلا كۆنفرانسان ل زانكۆیا دهۆك چلیا ماتەمینیا د. كامیران عەبدولسەمەد ب ئامادەبوونا مالبات و كەسوكارێن رەحەمەتی و ما مۆستا و قوتابیێن زانكۆیا دهۆك هاتە گێران.

د رێورەسمان دا سەرۆكێ‌ پشكا مێژوو د. هوزان سلێمان كورتیەك دا سەر كاروانێ‌ ژیانا د. كامیرانی و دیاركر كو ل رۆژێن سەخت دا دكتۆری خۆ ب خەمخۆرێ‌ دەڤەرێ‌ زانیە و گرنگی دایە لایەنێ‌ هونەری و وەرزشا دەڤەرێ‌ و ڤەژاندنا ڤان بیاڤان. 

ئەڤ بیرئانینە كو ب هەڤكاریا تێلەفزیونا دهۆك بوو لەورا وان ژی كورتە فلمەك ل دۆر ژیانا دكتۆری بەرهەڤ كربوو و دوێ‌ بیرئانینێ‌ دا هاتە نیشادان.  

د. كامیران عەبدولسەمەد ل سالا 1998 ژ پەروەردا دهۆكێ‌ دهێتە ڤەگوهاستن بۆ زانكۆیا دهۆك كو ل سالێن (1995 هەتا 1998) رێڤەبەرێ‌ پەیمانگەها هونەرێن جوان بوو ل دهۆكێ‌، ل سالا 2001 باوەرناما ماستەرێ‌ و ل سالا 2007 باوەرناما دكتۆرایێ‌ وەرگرتینە، ل ناڤبەرا سالێن (2001 -2003) هاریكارێ‌ راگرێ‌ كۆلیژا ئادابێ‌ بوو ل زانكۆیا دهۆك. 

ل 3 ی ئادارا سالا 2017 ژ ئەگەرێ‌ نەخۆشیەكی وەغەرا دووماهیێ‌ كریە.