بالیۆزێ ئەلمانی سەرەدانا پەیمانگەها چارەسەریا دەروونی یا زانکۆیا دهۆک کر
June 25, 2022, 11:06 p.m.

شاندەکێ بالیۆزخانا ئەلمانی ب سەرۆکا تیا مارتن یێگر سەرەدانا پەیمانگەها چارەسەریا دەروونی و چارەسەریا تراومایێ IPP ل زانکۆیا دهۆک کر و ژ لایێ هەردوو هاریکارێن سەرۆکێ زانکۆیێ د. ئەحمەد محەمەد سالح و د. لوقمان هادی حەسەن و ستافێ پەیمانگەهێ هاتە پێشوازیکرن.

د. ئەحمەد محەمەد سالح لدۆر ڤێ سەرەدانێ خویاکر کو مەرەم ژ ڤێ سەرەدانا بالیۆزێ ئەلمانی بۆ ڤێ پەیمانگەهێ ژ نێزیک دیتنا مامۆستا و چارەسەر و راهێنەرێن دەروونی یێن ڤێ پەیمانگەهێ یە و چەوانیا برێڤەچوونا کاروبارێن وان و چارەسەرکرنا نەخۆشێن دەروونی، ب تایبەتی ئەوێن ژ دەستێ رێکخراوا تیرۆرستی یا داعش قورتالبووین، ئەڤە و ژبەرکو وەلاتێ ئەلمانی ئێک ژ پشتەڤانێن ڤێ پەیمانگەهێ یە.

ئەڤ پەیمانگەهە دهێتە پشتەڤانیکرن و چاڤدێریکرن ژلایێ هەرێما بادن ڤۆرتمبێرگ یا ئەلمانی، DAAD و هندەک زانکۆیێن ئەلمانی، ب رێکا رێکخراوا GIZ.