هاریكارێ سەرۆكێ زانكۆیا چەرمو بۆ كاروبارێن كارگێری د. هونەر ئەمین ب سەرۆكاتیا شاندەكێ وێ زانكۆیێ ل رۆژا 28/1/2021 سەرەدانا زانكۆیا دهۆك كر و ژلایێ سەرۆكێ زانكۆیێ پ. د. مصلح دهۆكی ڤە پێشوازی لێ هاتە كرن.
د روینشتنەكی دا بەحسێ پەیوەندیێن دوو قولی دناڤبەرا هەردوو زانكۆیان دا كر، و د. هونەر ئەمین بۆ ویبسایتێ زانكۆیا دهۆك گۆت وەكو مامۆستایێن زانكۆیا چەرمو مە حەز دكر ژ نێزیك سەرۆكێ زانكۆیا دهۆك ببینین بۆ مكوم كرنا پەیوەندیان دناڤبەرا زانكۆیا چەرمو و زانكۆیا دهۆك دا ب تایبەتی د بیاڤێ ئەنجامدانا كونفرانسێن جینوسایدێ، دیسا مە حەز دكر دەستخوشیێ ل سەرۆكێ زانكۆیا دهۆك بكەین كو یێ خەمخۆرە بۆ ناساندنا پرسا ئەنفال و جینوسایدان ب گشتی ل كوردستانێ، دیار ژی كر كو سەرۆكێ زانكۆیا دهۆك سوزا دایێ بۆ هەمی هەڤكاریەكی د ناڤبەرا زانكۆیا دهۆك و زانكۆیا چەرمو دا.
هاریكارێ سەرۆكێ زانكۆیا چەرمو بۆ كاروبارێن كارگێری د. هونەر ئەمین هەروەسا گۆت مە سەنتەرێ ڤەكۆلینێن زانكۆیا چەرمو یێ هەی بۆ تاوانێن ئەنفال و جینوسایدێ و رێڤەبەرێ ڤی سەنتەری ئەڤرۆ زانكۆیا دهۆكە بۆ پشكداریێ د كونفرانسێ زانكۆیا دهۆك دا ل دۆر جینوسایدێ داكو ئەم ژی ب هەمان شێوە و ب هاریكاریا هەردوو لایان بشێین زێدەتر گرنگیێ ب ڤان جۆرە كۆنفرانسان بدەین و هاریكاری دناڤبەرا مە هەمیان دا هەبیت داكو پرسا ناساندنا جینوسایدێ كار ل سەر بكەین.