ل رۆژا 21/9/2021 سه‌رۆكێ زانكۆیا دهۆك، د. داود سلیمان ئه‌تروشی، و هاریكارێ سه‌رۆكێ زانكۆیێ، د. مێڤان عارف، دویفچوونا تاقیكرنێن شیانێن جه‌سته‌یی و یاریێن وه‌رزشی ل پرۆسیسا وه‌رگرتنا قوتابیان ل كۆلیژا په‌روه‌ردا جه‌سته‌یی و زانستێن وه‌رزشی كر.

د. داود ئه‌تروشی گۆت" ئه‌ڤ پرۆسا هه‌لسه‌نگاندن و تاقیكرنا قوتابیان بۆ وه‌رگرتنێ ل ڤێ كۆلیژێ گه‌له‌ك یا پێشكه‌فتی یه‌، دڤێت كۆلیژین دی ژی هه‌مان سیسته‌م په‌یره‌و بكه‌ن چونكو دادی و مافێ قوتابی باش د ڤێ پرویسێ دا دهێنه‌ پاراستن، هه‌ر تاقیكرنه‌كا دهێته‌ ئه‌نجام دان ئه‌و لژنه‌ ئێكسه‌ر نمرا وێ دانن و د چیته‌ سیسته‌مێ ئه‌لكترۆنی دا و دشیان دا نینه‌ ده‌ستكاریی تیدا بهێته‌ كرن".

پرۆسا وه‌رگرتنا قوتابیان ل كۆلیژا په‌روه‌ردا جه‌سته‌یی و زانستێن وه‌رزشی ئه‌ڤه‌ بۆ سالا چاریه‌ ل دویف سیسته‌مه‌كێ ئه‌لكترۆنی یێ پێشكه‌فتی د هێته‌ ئه‌نجام دان، و ئه‌ڤ سیسته‌مه‌ بتنێ ل ڤێ كۆلیژێ دهێته‌ په‌یره‌وكرن ل سه‌ر ئاستی كۆلیژێن هه‌رێما كوردستانێ، ژ بۆ ئه‌نجام دانا تاقیكرنان 11 لژنێن تایبه‌تمه‌ند هاتینه‌ دانان ژ مامۆستایێن كۆلیژێ، كو پتری 350 قوتابیێن كچ و كور دێ پشكداریێ د تاقیكرنێ دا كه‌ن كو قاره‌مان و پارالیل ژی بخۆڤه‌ دگریت.