پشكا پەیوەندیێن نێڤدەولەتی و دبلۆماسی ل كولیژا زانستێن سیاسی ب ھەڤكاری ل گەل رێكخراوا ھەناسە پلاس بۆ پاراستنا ژینگەھێ و ب ئامادەبوونا د. ھەوار خەلیل راگرێ كولیژا ناڤبری و ماموستا و قوتابیێن كولیژا ناڤبری و مێھڤانێن دەرڤەی زانكۆیێ، وۆركشوپەك ل ژێر ناڤونیشانێ (تیرۆر: ھۆكار، جۆر، رەھەند و چارەسەری) ل ٨ـی گولانێ ٢٠٢٣ ئەنجامدا.

ل دەستپێكێ د. ھەوار خەلیل بخێرھاتنا ئامادەبوویا كر و ب ناڤێ زانكۆیا دھۆك سوپاسیا رێكخراوا ھەناسە كر بۆ رۆلێ وێ یێ گرنگ د پاراستنا ژینگەھێ دا. ل دویڤدا باس ل دیاردا تیرۆرێ كر ل سەر ئاستێ ناڤخۆیی و نێڤدەولەتی كر، دیسان ئەو ھەولێن ژلایێ دەولەتێن زلھێزڤە بۆ نەھێلانا تیرۆرێ دھێنە ئەنجامدان و دیاركر كو وەلاتێن ل عیراق و سوریێ تیرۆرێ میراتەكێ زۆر ل دویڤ خۆ ھێلایە كو دبیت كاریگەریا وێ یا نەرێنی و خرابكار بۆ ماوێ نێزیكی ٥٠ سالێن بھێت بمینیت. ھەروەسا باس مەترسیا ھەبوونا ئایدۆلۆژیا تیرۆرێ و دەلیڤا دووبارە رێكخستنا ئایدۆلۆژیا وێ ھەیە ئەگەر ڤالاھیەك پەیدابوو، و دەڤەرێن ماددێ ١٤٠ وەك نموونە بۆ ئەوان ناوچەیێن نە ئارام و ژینگەھا گونجای بۆ گەشەكرنا گرۆپێن تیرۆرێ دیاركر.

ل دویڤ دا وۆكشۆپ ژلایێ د. وەجیھ عەبدۆ ھاتە ب رێڤەبرن، ل دەستپێكێ دەرفەت ب د. ئیبراھیم عەلی كرو ھاتە دان، ناڤبری باس ل تێگەھ و زاراڤ و سەرھلدانا تیرۆرێ كر، ل دویڤدا ب ھویری ل سەر ھۆكار و جۆر و چارەسەریا وێ راوەستیا. دیسان ناڤبری ئاماژە ب ئەوێ چەندێ دا كو نێزیكی 25 % ژ تیرۆرا جیھانی ل رۆژھەلاتا ناڤین ھەیە، ئەڤەژی بۆ زۆریا ئاریشەیا ل ئەڤێ ناوچێ ھەیە ژ ئەوان ئاریشێن سەرەكی ئەوە كو ھەتا نوكە سێ دۆزێن گرنگ ل ئەڤێ ناوچێ نەھاتینە چارەسەركرن ئەوژی دۆزا ئەرمەنیا، دۆزا كوردا، دۆزا فەلەستینیا. ھەروەسا ئاماژە ب چەندین ھۆكارێن گرنگ یێن پەیدابوونا تیرۆرێ دا ژ وان ھۆكارێن سیاسی و سەرھلدانا ئیسلاما سیاسی.

ل دویڤ دا دەلیڤە ب م. عەبدال جومعە ھاتە دان، كو باس ل تیرۆر و ژینگەھێ كر و كاریگەرییا تیرۆرێ ل سەر ژینگەھێ و رەھەندێن تیرۆرێ كرن و چارەسەریا تیرۆرێ كر. ل دویڤ دا نوینەرێ رێكخراوا ھەناسە پلاس بۆ پاراستنا ژینگەھێ باس ل پشكداریا وان د پاراستنا ژینگەھا كوردستانێ دا كر ھەروەسا باس ل ھەڤكاریا دناڤبەرا رێكخراوا ھەناسە پلاس و رێڤەبەریا ژینگەھێ و ھێزا پێشمەرگەیێن پاراستنا ژینگەھێ كر و ئاماژە ب ئەوان تاوانا كر یێن دژی دژینگەھا كوردستانێ د ھێنە ئەنجامدان.

ل دویماھیێ پشكدارێن وۆركشوپی دانوستاندنەكا ڤەكری ل دۆر بابەتێن پێشكێشكری ئەنجامدا.

راگەھاندنا زانكۆیا دھۆك؛ ٩ـی گولان ٢٠٢٣

راپۆرت: ماھر كێستەیی

فۆتۆ: عەلی بانکی