ب مەرەما پتر ئاشنابوون و راهاتنا بکارئینانا سیستەمێ ئەلکترۆنیێ زانکۆیا دهۆک، ئەڤرۆ رێکەڤتی ١٤ـی شوباتا ٢٠٢٣ و ل سەنتەرێ رەوشەنبیری و جڤاکیێ زانکۆیا دهۆک، پشکا پێڤاژۆیا بۆلۆنیا ل زانکۆیا دهۆک، ب هاریکاری دگەل رێڤەبەریا تەکنۆنۆلۆژیا پێزانینا ل زانکۆیێ، خولەکا راهێنانێ بۆ نوینەرێن کۆلیژان، یێن بەرپرس ژ پێڤاژۆیا بۆلۆنیا، ئەنجامدا.
د ڤێ خولێ دا، ئەوا ژ لایێ د. ئسماعیل ئەمین، بەرپرسێ پشکا پێڤاژۆیا بۆلۆنیا ل زانکۆیا دهۆک و مامۆستا هاریکار فەیسەل، رێڤەبەرێ تەکنۆلۆژیا پێزانینا ل زانکۆیا دهۆک، هژمارەکا تەوەرێن گرێدای بابەتێ ناڤبری هاتنە پێشکێشکرن، ژ وان؛ چەوانیا رێڤەبرنا کۆرسێن خواندنێ ب شێوەکێ ئەلکترۆنی و گرێدانا مامۆستا و قوتابیان ب ڤان کۆرسان ڤە و رێڤەبرنا کاروبارێن تاقیکرنێن قوتابیان ب شێوەکێ ئەلکترۆنی.
راگەهاندنا زانکۆیا دهۆک؛ ١٤ـی شوبات ٢٠٢٣
عسمەت خابوور و حسێن تتمی