پشتی راگەهاندنا کەمپینا کۆمکرنا هاریکاریێن دراڤی بۆ زیانڤێکەڤتیێن ئەردهەژێن تورکیا و سۆریا و ب درویشمێ "برایەتی و مرۆڤایەتی مە کۆمدکەت"، ئەڤرۆ رێکەڤتی ١٦ـی شوباتێ ٢٠٢٣، لیژنا کەمپینا کۆمکرنا هاریکاریێن دراڤی ل زانکۆیا دهۆک، دراڤێ کۆمکری گەهاندە کارگێریا پارێزگەها دهۆکێ.
لیژنا کەمپینا کۆمکرنا هاریکاریێن دراڤی بۆ زیانڤێکەڤتیێن ئەردهەژێن تورکیا و سۆریا، ب سەرۆکاتیا د. دلشاد عەبدولجەبار حەلیم، هاریکارێ سەرۆکێ زانکۆیا دهۆک، سەرەدانا کارگێریا پارێزگەها دهۆک کر و ژ لایێ د. عەلی تەتەر، پارێزگارێ دهۆکێ و حەمید عەلی، رێڤەبەرێ گومرکا ئیبراهیم خەلیل هاتە پێشوازیکرن. د روینشتنەکێ دا، پارێزگارێ دهۆکێ و رێڤەبەرێ گومرکا ئیبراهیم سوپاسیا شاندێ زانکۆیا دهۆک کر بۆ ڤێ دەستپێشخەریێ.
هەژی ئاماژێ یە، د چارچوڤێ کەمپینا کۆمکرنا هاریکاریان یا پارێزگەها دهۆکێ بۆ زیانڤێکەڤتیێن ئەردهەژێن تورکیا و سۆریا، زانکۆیا دهۆک وەکو ئێکەم ناڤەندا ئەکادیمی ل هەرێما کوردستانێ، ل ٨ـی شواتێ کەمپینا کۆمکرنا هاریکاریێن دراڤی بۆ ماوێ دوو رۆژان راگەهاندبوو و قوتابی و مامۆستا و فەرمانبەرێن زانکۆیا دهۆک پشکداری د ڤێ کەمپینێ دا کر بۆ هاریکاریکرنا زیانڤێکەڤتیێن ئەردهەژان.
راگەهاندنا زانکۆیا دهۆک، ١٦ـی شوبات ٢٠٢٣
سەباح ئەتروشی و عسمەت خابوور