College of Education - Akre
ئەڤرۆ ڕێکەفتى(2019/10/29 ) ڕاگرێ کولیژا پەروەردە – ئاکرێ (پ.هـ .د کەریم محمد ککو) سمینارەک لدور (پروسێسا خواندنێ و رێنماییێن بەرکار) ل (هۆلا فەزلونى)، ب ئامادەبوونا سەرۆک بەش و نوینەر و لیژنەیێن قوتابیان ل کولیژا مە، و لقائاکرێ یا ئێکەتیا قوتابیێن کوردستانێ پێشکێشکر. دئەڤێ سمینارێ دا ب تێروتەسەلى باس ل پروسێسا خواندنێ و بڕیارێن نوییێن کابینەیا نوى یا حکومەتا هەرێمێ ئەوێن دبەرژەوەندیا قوتابیان دا و رێنمایى و ڕێکارێن نوى ییێن کولیژێ بۆ سالا نویا خواندنێ (2020/2019)هاتنەکرن. هەروەسا باس ل ئەرکێ قوتابى و پێگیربوونا وى ب دەوامێ، و ڕێزگرتن ل ماموستایێ کولیژێ و پەیوەندییێن دناڤبەرا قوتابى و ماموستاى دا، و پاراستنا ژینگەها کولیژێ و کەل و پەلێن دناڤدا هاتەکرن . ئەڤە زێدەبارى چەندین خالێن دیترێن گرێدایى ب رەوشا خواندنێ دسمینارێدا هاتنە باسکرن. لدوماهیێ جەنابێ ڕاگرى گوهداریا ڕاو بوچوونێن ئامادەبوویان کر.