College of Education - Akre
ئەنجامدانا دوماهیک کۆمبوونا ئاسایی یا جڤاتا کۆلیژا پەروەردە-ئاکرێ یا سالا خواندنا (٢٠٢٢-٢٠٢٣).ئەڤرۆ رۆژا ئێک شەمبی رێکەفتی (١٨-٦-٢٠٢٣) ب ئامادەبوونا هەمی ئەندامێن جڤاتا كۆلیژێ، کۆمبوونا ئاساییا چڤاتا كۆلیژێ برێڤەچوو.
هندەک ژ ئەوان بابەت و خالێن د کۆمبوونا ئەڤرۆیا جڤاتێدا هاتینە بەحسکرن:-
١-پیرۆزباییکرن ب هەلکەفتا ڤەکرنا نڤیسنگەها دەروونی و پەروەردەیی ل کۆلیژێ کۆ هاتە پەسەندکرن ژلایێ سەروكاتییا زانکۆیێڤە وەک ئێک ژ دەستکەفتیێن زانستیێن گرنگ.
٢- ب هەلکەفتا دوماهێکهاتنا سالا خواندنێ یا ئەڤ سالە بەڕێز سەرۆكێ جڤاتا کۆلیژێ سوپاسیا هەمی سەرۆک و بریادەرێن پشکێن زانستیێن کۆلیژێ و ماموستا و فەرمانبەر و سەرۆک و ئەندامێن لیژنێن تاقیکرنا خواندنا بەکالۆریۆسێ و تاقیکرنا خاندنا بلند (دبلۆما بالا و ماستەر) کۆ ب شێوەیەکێ سەرکەفتیانە ئەڤ ئەزموونە برێڤەچووی كرن. هەروەها سوپاسیا ئێکەتیا قوتابیێن کوردستانێ و هەمی قوتابیێن زانست خوازێن خۆشتەڤی هاتە كرن.
٣- گەنگەشە لسەر ئەزموونێن زانستی یێن خواندنا بلند (دبلۆما بلند -ماستەر) هاتە كرن كۆ ب شێوەیەکێ رێک و پێک و لدویڤ رێنماییان و سەرکەفتیانە برێڤەچوو.
٤- هەروەسا گەنگەشە لسەر چەندین بابەتێن دیترێن پەیوەندیدار ب بوارێ زانستی و کارگێری و گشتی و قوتابیان هاتنە کرن، ژ ئەوان: خۆئامادەکرن بۆ دانانا پلانا سالا نوو یا خواندنێ ژلایێ هەمی پشکێن زانستیڤە و هەروەها گرنگترین ئەوان پلان و کارێن کۆلیژێ کۆ ل سالا داهاتی یا خواندنێ ئەنجام بدەت. هەر د كۆمبوونا ئەڤڕۆدا پلانا سەنتەرێ ڤەکۆلینێن زانستی بۆ سالا بهێت یا خواندنێ هاتە گەنگەشەکرن و پەسەندکرن و دیسان گەنگەشەکرنا راسپاردێن وورک شۆپا زانستی یا هەڤپشک یا دناڤبەرا کۆلیژا پەروەردە-ئاکرێ و رێڤەبەریا پەروەردا ئاکرێ لایەنەكێ دیترێ كۆمبوونێ بوو.