College of Education - Akre
سەردان ...
ئەڤڕۆ چارشەمبی رێکەفتی (30-8-2023) شاندەکێ بلندێ زانکۆیا دهۆک ب سەرۆکایەتیا رێزدار (د.داود سلێمان ئەتروشی) سەرۆکێ زانکۆیێ و بەڕێزان هاریکارێن سەرۆکێ زانکۆیێ و ئەندامێن جڤاتا زانکۆیێ و رێڤەبەرێن کارگێری و ژمێریاری و راگەهاندن یێن زانکۆیا دهۆکێ سەردانا کۆلیژا پەروەردا ئاکرێ کرن ب مە بەستا خاتر خاستنێ و ب گەرمی ژلایێ بەڕێزان راگر و ئەندامێن جڤاتا کۆلیژێ و ماموستایان و کارگێرییا کۆلیژا مەڤە هاتنە پێشوازیکرن.
ل ڤێ ديدارێ راگرێ کۆلیژا مە بەڕێز (د.رەشاد کەمال)ی پەیڤەک پێشکێشکر و تێدا پشتی دەربڕینا خوشحالیێ بۆ ئەڤێ سەردانا گرنگ، ب ناڤێ کۆلیژا مە زۆر سوپاسییا زانکۆیا دهۆکێ کر، کو ب (زانکۆیا دایک) ل دەڤەرا بادینان دهێتەنیاسین، چۆنکی ئەڤ زانکۆیە هەر ل دەسپێکا دامەزراندنا کۆلیژا مە ل سالا (2009) هەتا ئەڤڕۆکەژی کو بوویە پشکەکا هەری گرنگا دامەزراندنا زانکۆیا ئاکرێ پشتەڤان و هاریکارەکا مەزن بوویە بۆ پێشڤەچوونا خواندنا بلند ل دەڤەرا ئاکرێ و هیڤیخواستن کو بەردەوام پێکڤە پالپشت و پشتەڤان بن نەخاسمەژی کو د نۆکەدا کۆلیژا مە بوویە ئێک ل کۆلیژێن پێکهێنێن زانکۆیا ئاکرێ، پاشان ژلایێ (رێزدار د.داود سلێمان ئەتروشی) سەرۆکێ زانکۆیا دهۆکێڤە پەیڤەک هاتە پێشکێشکرن و تێدا سەرەرای خۆشحالیا خۆ دەربڕین بۆ دامەزراندنا زانکۆیا ئاکرێ و ب تایبەت کو دێ کۆلیژەکا سەرەکی و گرنگا زانکۆیا دهۆکێ، کو ئەوژی کۆلیژا پەروەردا ئاکرێیە بیتە بنیاتەکێ سەرەکی بۆ ئەوێ زانکۆیا نوی و راگەهاند، کو وەکو زانکۆیا دهۆکێ دێ بەردەوام پشتەڤان و هاریکاربن بۆ پێشڤەبرنا زانکۆیا ئاکرێ ب شێوەیەکێ گشتی و نەخاسمە بۆ کۆلیژا پەروەردا ئاکرێ ب تایبەتی و هەردیسان رێزدار سەرۆکێ زانکۆیا دهۆکێ و ب هەلکەڤتا جودابوونەڤا کۆلیژا پەروەردا ئاکرێ ل زانکۆیا دهۆک و بوون ب ئێک ل کۆلیژێن سەر ب (زانکۆیا ئاکرێ بۆ زانستێن کرداری)یڤە و ل هەمبەر ئەو خزمەت و ماندیبوونا ستافێ کۆلیژا مە ل درێژاهییا سالێن بووریدا، کو سەر ب زانکۆیا دهۆکێڤە پێشکێشکری ب فەرمانەکا زانکۆیی رێزلێنان و سوپاسیەکا تایبەت پێشکێشی تەڤایا ستافێ کۆلیژا مەکر و هیڤییێن سەرکەفتن و سەرفەرازیێ بۆ خواستن و ل دوماهییا سەرەدانێ هەمی ئامادەبووان جەخت ل گیانێ پێکڤەکارکرن و پەیوەندیێن بەردەوام و مۆکم کرن ل پێخەمەت خزمەتکرن ب کەرتێ خواندنا بلند ل دەڤەرێ ب تایبەتی و کوردستانێ ب شێوەیەکێ گشتی.