College of Education - Akre

ل روژا دووشەمبی ڕێکەفتی (٢٠٢٣/٦/١٢) و ل دەمژمێر (١١)ێ سپێدێ ل كۆلیژا پەروەردە-ئاكرێ ب مەرەما ل نزیکڤە ئاگەهداربوون ل چەوانیا رێڤەچوونا تاقیكرنا شیانێن زانستی یێن خواندنا بلند (دبلوما بلند،ماستەر)،هێژا (د.رشاد کمال مصطفى) راگرێ کۆلیژا پەروەردە-ئاکرێ و بەرێز (د.مکنون محمدطاهر) هاریکارێ راگرێ کۆلیژێ و سەروكێ لیژنا ئەزموونان سەرەدانا هۆلێن ئەزموونان یێن کۆلیژێ کرن، كۆ ل سێ بوارێن جودا تاقیكرن هاتنە ئەنجامدان، ئەوژی خواندنا بلند (ماستەر) ل پشكێن: (زمانێ عەرەبی و مێژوو) و خواندنا بلند(دبلوما بلند)ل پشكا زمانێ كوردی، كۆ هەژی گوتنێیە ئەڤە بۆ جارا ئێكێ یە (دبلوما بلند) ل كۆلیژا مە دهێتە ڤەكرن. جهێ ئاماژێ یە كۆ (٧٩) پێشكێشكاران تاقیكرن ئەنجام دا، (٧٠) پێشكێشكار بۆ خواندنا ماستەر ل پشكێن (زمانێ عەرەبی و مێژوو) و (٩) پێشكێشكار بۆ (دبلوما بلند) ل پشكا زمانێ كوردی كۆ دێ كێبركێ هێتەكرن لسەر (٨) كورسیێن ماستەرێ بۆ پشكا مێژوو و (١١) كورسیێن ماستەرێ بۆ پشكا زمانێ عەرەبی و (٩) كورسیێن دبلوما بلند بۆ پشكا زمانێ كوردی.

لدوماهیێ دەستخۆشی و سۆپاسییا لیژنێن وردبینكرنێ و لیژنێن دانانا پسیاران و لیژنا ئەزموونان و چاڤدێرێن هۆلێن ئەزموونان هاتەكرن و هیڤیێن سەركەفتنێ بۆ پێشكێشكارێن خۆشتڤی هاتەخواستن.