كولیژا زانستێن مروڤایەتی
گەڕا نەهێ ژ پێشانگەها شێوەکاری هاتە ڤەکرن
#راگەهاندنا_کولیژێ
ئەڤرۆ رێکەفتی ١٦-٦-٢٠٢١ ب ئامادەبوونا سەرۆکێ زانکۆیا دهۆک "پ.د.مصلح محمد سعيد دهوکی" و بەرپرسێ لژنا ناوچا چرا بەرێز " بەریار سەفەر چیچو" و راگرێ کولیژا زانستێن مرۆڤایەتی" د.مزگین محمد حسن" و ببەرهەڤبوونا جەماوەرەکێ زۆر ژ ماموستا و قوتابی و هەموو دەزگەهێن میری و لایەنێن حزبی بەرهەڤی ڤەکرنا پێشانگەها شێوەکاری بببون.
ژ هەژیە دیار بکەین کو ئەڤ پێشانگەهە نەهەمین گەڕە ژ لایێ پشکا هونەرێن شێوەکاری سەر ب کولیژا زانستێن مرۆڤایەتی ڤە دهێتەڤەکرن.
ئەڤ پێشانگەهە یا سالانەیە و ئەڤ سال لژێر ناڤێ " بەردەوامی دان ب هونەری بەرخودانە ل هەمبەر کورونایێ" هاتە ڤەکرن ب پشکداریا بەرهەمێن هەموو قوتابیان یێن پشکا هونەرین شێوەکاری' سپێدە و ئێڤاران".
لدەستپێکا ڤەکرنێ ل ناڤەندا قوتابیان پەردە لسەر وێنێ هێمایێ نەتەوا کورد "بارزانیێ نەمر" هاتە ڤەکرن و ب تابلوویەكی مەزن و نەتەویی هاتبوو خەملاندن کو ژ دەستێ قوتابیان هاتبوو چێکرن.
هەر وەسا تایێ دوویێ ژ پێشانگەهێ ل ئاڤاهیێ پشکا هونەرێن شێوەکاری هاتە ڤەکرن کو گەلەک بەرهەم لوێرێ هاتبوون پێشاندان.
ئەڤ پێشانگەها ب سەرپەرشتیا سەرۆکاتیا پشکا هونەرێن شێوەکار و ب پشکداریا هەموو ماموستا و قوتابیان و ب پشتەڤانیا راگریا کولیژا زانستێن مرۆڤایەتیێ و سەرۆکایەتیا زانکۆیا دهۆک هاتە ڤەکرن و برێڤەبرن.
لدووماھیكێ خەلات لسەر ھندەك ماوستایان ھاتن بەلاڤكرن.