كولیژا زانستێن مروڤایەتی
سیاسەتا گشتی بەرەڤ پەرلەمانێ کوردستانێ
#راگەهاندن
ئەڤرۆ ڕۆژا سێشەمبی ڕێکەفتی ٢٢-٢-٢٠٢٢ کۆلیژا زانستێن مرۆڤایەتی - پشکا سیاسەتا گشتی ، گەشتەکا زانستی بۆ پەرلەمانێ ھەرێما کوردستانێ ئەنجام دا. قۆتابی و ماموستا و سەرپەرشتێن گەشتا ناڤبری ژ ئالیێ چەندین پەرلەمانتاران ڤە ھاتن پێشوازی کرن.
مەرەم ژ ڤێ گەشتێ ژ بۆ پتێر ھایداربوونا قۆتابیان ل سەر کارێ پەرلەمانێ وەک بلندترین سازییا تەشریعی، ھەروەسان ھایداربوونا وان ل سەر ئەرک و بەرپرسیارەتییا پەرلەمانتاران .
قۆتابیێن هەمان پشکا ناڤبری سەرەدانا گەلەک پشکێن پەرلەمانی یێن جودا جودا کرن. ل داویێ د روونشتنەکا بەرفرەھ و ڤەکری دا، مامۆستا و قۆتابیێن پشکێ دگەل ھندەک پەرلەمانتاران کو پێک هاتیبوو ژ بەرێزان (گۆلستان باقی نھێلی، ھێڤیدار ئەحمەد، سەروان ھەرکی، پێشەوا ھەورامی و گۆلیزار سندی) چەندین بابەتێن جورە جور و گرێدای کارێ پەلەمانتاران ڤە هاتنە گەنگەشەکرن و ئەندام پەرلەمانێن ناڤ هاتی و مامۆستایێن پشکا سیاسەتا گشتی دۆپات کرن ل سەر گرنگییا زانستییا ڤێ پشکێ و ھەردوو ئالییان دیارکرن کو هەماهەنگی دێ یا بەردەوام بیت ژبۆ خزمەتکرنا قوتابیان.