كولیژا یاسا
گەرا شەهیدێن سەرخوەبوونا کوردستانێ
ل ژێر درویشمێ گەرا شەهیدێن سەرخوەبوونا کوردستانێ ئەڤرو رێکەفتى 23/11/2016 زانکویا دهوک ئاهەنگا دەرچوونێ گەڕا 21 یا سالا خواندنێ (2015-2016) ب بەرهەڤبوونا جڤاتا زانکویێ گێڕا.
د ڤى رێورەسمى دا کولیژا یاسا وزانستێن رامیارى ب بەرهەڤبوونا راگرێ کولیژێ پ. د. قاسم احمد قاسم ب سەرفەرازى باوەرناما بەکالوریوس ب زانستێ یاسا بەخشى قوتابیێن خو یێن سەرکەفتیانە خواندنا خو بدوماهى ئیناى کو سەرجەمێ وان دبیتە (95) دەرچوو کو (66) شێست وشەش ژ وان نێرن و(29) بیست ونەهـ مێ نە.
ب ڤێ هەلکەفتێ سەرێ رێز ونەوازشێ بۆ شەهیدێن سەربەرزێن کوردستانێ د چەمینین کو ب خوینا خو گەل وخاکا کوردستانێ ژ هوڤێن داعش پاراستى وئەم گەهاندینە ڤێ روژێ. هەروەسا سوپاسیا ئێک ب ئێک یا پێشمەرگەیێ کورستانێ د کەین کو د هەمى کاودانەکێ نەخوش دا بەرخودان کرى یە ودکەت ژ پێخەمەت پاراستنا خاک وگەل وئەزموونا دیموکراتانە یا کوردستانێ.
هەروەسا سوپاسیەکا بێ سنور یا ماموستایێن کولیژێ یێن رێزدار دکەین کو سەرەراى ڤى بارودوخێ گران ب سنگەکێ ڤەکرى بەردەوامى ب پروسێسا خواندنێ دا وقوتابیێن خو گەهاندنە ڤێ قوناغێ. هەر ب ڤێ هەلکەفتێ سوپاسیا هەمى فەرمانبەرێن کولیژێ د کەین کو کارێ خو ب باشترین شێوە ئەنجامداى وهاریکاربوون د سەرکەفتنا ڤێ پروسێسێ دا.
ولدوماهیێ داخازا سەرکەفتنێ بۆ هەمى دەرچوویا دکەین، وهیڤیدارین دلسوزانە کار بکەن ژ بۆ پێشڤەبرنا جڤاکى ژلایێ یاسایى وسەروەریا یاسایێ ڤە.
راگریا کولیژا یاسا وزانستێن رامیارى