كولیژا یاسا
دماوەیێ دناڤبەرا 6/5-16/5/2017 سەروكێ بەشێ یاسا (پ. د. عبد الله علی عبو) ل كولیژا یاسا وزانستێن رامیاری/ زانكویا دهوك سەرەدانا زانكویا Gottingen ل ئەلمانیا كر دچارچوڤێ پروگرامێ پێشخستنا بابەتێن دهێنە خواندن ل كولیژێن یاسایێ ل زانكویێن كوردستانێ دسیستەمێ خواندنا پێنج سالی دا، ودڤێ سەرەدانێدا ناڤبری دگەل سەروك بەشێن كولیژێن یاسایێ ل زانكویێن هەرێمێ ئاگەهداربوون ژ بابەتێن خواندنێ ئەوێن دهێنە خواندن ل وێ زانكویێ ژ بۆ مفا وەرگرتنێ ژ بابەت وشارەزاییا وان وجێبەجێكرنا ئەوێن دگونجن دگەل سیستەمێ خواندنێ ل كولیژێن یاسایێ ل زانكویێن هەرێمێ.
دڤێ سەرەدانێ دا شاند بەرهەڤبوو د وورك شوپەكێ دا كو تێدا چەند سمینار هاتنە پێشكێشكرن ژلایێ ماموستایێن تایبەتمەندێن وێ زانكویێ. هەروەسا شاندی سەرەدانا سەركاتیا زانكویا Gottingen كر ژ بۆ دیتنا بەش ویەكەیێن كولیژێن یاسا یێن وێ زانكویێ.