كولیژا یاسا
قوتابیێن قوناغا سێ یێ/ بەشێ یاسا/ كولیژا یاسا وزانستێن رامیاری ل زانكویا دهوكێ دەست ب مەشقا هاڤینی كر ل دادگەهێن هەرێما كوردستانێ، قوتابی هاتینە دابەشكرن ل سەر دادگەها لدویڤ جهێن ئاكنجیبوونا وان. ئەڤ مەشقە بدرێژیا هەیڤا تیرمەهێ دهێتە ئەنجامدان وئارمانج ژێ ئەوە قوتابی چاوانیا كارێ دادگەه ببینن وهەروەسا ژ نێزیك ئاگەهداری پێرابوونێن دادوەری ل بەشێن دادگەهێ یێن جوراوجور ودئەنجامدا فێربوونا لایەنێ كارەكی یێ زانستێ یاسایێ. وچالاكی وبەرهەڤیا قوتابیان ل دادگەها د ڤێ مەهێ دا دهێتە هەلسەنگاندن ژلایێ دوو سەرپەرشتیاراڤە، سەرپەرشتیارێ ئێكێ سەرپەرشتیارێ كارەكی یە كو سەرپەرشتیێ ل سەر بەرهڤبوونا قوتابیا دكەت ل دادگەهێ وپێگیریا وی ورێكوپێكیا وی دبەرهەڤبوون وجێبەجێكرنێ دا. وسەرپەرشتیارێ دووێ سەرپەرشتیارێ زانستی یە ئێكە ژ ماموستایێن كولیژێ كو چەندجارەكا سەرەدانا دادگەهێ دكەت ژ بۆ دیڤچوونا بەرهەڤیا قوتابیا ورەوشت وچالاكیێن وان د جێبەجێكرنێ دا. وئەگەر قوتابی پێگیری ب بەرنامێ مەشقێ كر دێ هێتە هەژمارتن سەركەفتی، لێ ئەگەر یێ پێگیرنەبوو ونمرێن پێتڤی بدەست خوڤە نەئینان دێ هێتە هەژمارتن سەرنەكەفتی ودڤێت ل سالا ددویڤدا مەشقا خو ئەنجام بدەت.