كولیژا یاسا
ئهڤرو روژا شهمبى رێكهفتى 8/4/2017 ل ژێر سهرپهرشتیا د. آري عارف عبد العزيز ماموستایێ بابهتێ یاسا سزایى ل كولیژێ قوتابیێن قوناغا ئێكێ بهشێ یاسا/ كولیژا یاسا وزانستێن رامیارى سهرهدانا رێڤهبهریا چاكسازیا مهزنا ل دهوكێ كر، ومهرهم ژ سهرهدانێ دیتنا ڤى دهزگایێ سزایى بوو وبهشێن وى وژمارا زیندانیا وسروشتێ وان تاوانێن ژلایێ وانڤه هاتینه ئهنجامدان.
ههروهسا مهرهما ژ ئهنجامدانا ڤێ سهرهدانێ ئهوبوو قوتابى زانیاریێن راستهقینه وهرگرن ل سهر وان سزایێن ل سهر تاوانكارا دهێنه سهپاندن، نهخاسمه قوتابیا بابهتێ یاسا سزایی ژلایێ تیورى ڤه ل دور ههر تاوانهكێ وسزایێ وێ وهرگرتیه، لهوما فهره لایهنێ پراكتیكى ژى یێ ڤى بابهتى ل دهزگایێن سزایى ببینن، زێدهبارى هایداربوون ل سهر مافێن هاتینه دان بۆ زیندانیا وكا چهند د گونجاینه دگهل سیاسهتا تاوانكارى یا سزایى كو ئارمانجا وێ چاككرن وراستڤهكرنا رهوشت ورهفتارێن تاوانبارایه ژ بۆ ڤهگهراندنا وى وهك ئهندامهكێ چاك ومفادار بۆ جڤاكى وجارهكا دى نهڤهگهریته تاوانكاریا، وبڤێ چهندێ ئارمانجا یاسا تاوانكارى د پاشڤهبرن وچاككرنێ دا بجه دهێت، وئارمانجا دى یا سهرهدانێ ئهوبوو قوتابى ب چاڤێن خو ببینن كا تا چ رادده مافێن زیندانیا ل ڤێ رێڤهبهریێ د گونجاینه دگهل ستانداردێن نێڤ دهولهتى ئهوێن د دوكویمێنتێن نێڤ دهولهتى یێن رێكخراوا نهتهوهیێن ئێكگرتى دا هاتین بۆ چاوانیا رهفتاركرنێ دگهل وان كهسێن دهستهسهركرى.