كولیژا یاسا
ئەڤرو رێكەفتی 10/5/2017 دەمژێر (11:00) سپێدێ ب بەرهەڤبوونا راگرێ كولیژا یاسا وزانستێن رامیاری وهەژمارەكا ماموستایێن كولیژی، ولژێر سەرپەرشتیا ماموستایێ بابەتێ زمانێ ئینگلیزی (سلطان أحمد) گەنگەشەكا زانستی دناڤبەرا دوو تیمێن خودان دیتنێن هەڤدژ "شەش قوتابیێن قوناغا ئێكێ ژ بەشێ یاسا وشەش قوتابیێن قوناغا ئێكێ ژ بەشێ زانستێن رامیاری" ل دور بابەتێ (فەرە زمانێ ئینگلیزی ببیتە ئێك ژ زمانێن فەرمی ل كوردستانێ) هاتە پێشكێشكرن، تیما ئێكێ ئەوا كو ب فەر دبینیت زمانێ ئینگلیزی ببیتە ئێك ژ زمانێن فەرمی ل كوردستانێ بوچوونێن خو پێشكێشكرن ل دور بابەتی وتیما دووێ ژی هەول دان وان بوچوونا نەدروست نیشان بدەن. ژ هەژی گوتنێ یە كو گەنگەشە ل ئاڤاهیێ كولیژێ هاتە ئەنجامدان.