كولیژا یاسا
تیما كولیژا یاسا وزانستێن رامیارى یا زانكویا دهوك ئه‌وا هاتیه پێكئینان ژ بۆ به‌شداریكرنێ د به‌ریكانه‌یا دادگه‌ها نموونه‌یى لدور مافێن زاروكان ل وه‌لاتێ هولندا، هاته خه‌لاتكرن ژلایێ زانكویا لیدن یا هوله‌ندى ڤه ژ بۆ ئاماده‌بوونا وان ژ بۆ به‌شداریكرنێ وپشتى بجهئینانا هه‌مى مه‌رجێن به‌شداریكرنێ ب سه‌ركه‌فتیانه، لێ ژبه‌ر هنده‌ك كاودانێن تایبه‌ت تیما مه نه‌شیا به‌شداریێ د خولێن داویێ دا بكه‌ت ئه‌وێن ل زانكویا لیدن هاتینه رێكخستن لدوماهیكا هه‌یڤا ئادارا 2017. ئه‌ڤا داهاتى ناما زانكویا لیدن یا هولندى یه ئه‌وا هاتیه هنارتن بۆ كولیژا یاسا ل زانكویا دهوك.
(زانكویا مه بریار دا كو تیما هه‌وه بهێته خه‌لاتكرن ژ به‌ر ئاماده‌ییا وان ژ بۆ خوگرێدان ب جڤاكێ ئه‌كادیمى یێ نێڤ ده‌وله‌تى ڤه وبه‌شداریكرنێ د به‌ریكانه‌یا قوتابیان لدور بابه‌تێ مافێن زاروكان، سه‌ره‌راى وان هه‌مى ئاریشێن هین روبرودبن ل وه‌لاتێ خو. هیڤیدكه‌ین كو ئه‌ڤ خه‌لاتكرنه ببیته پشته‌ڤانیه‌ك ژ بۆ تیما هه‌وه وزانكویا هه‌وه ژبو روبروبوونا وان هه‌مو هه‌ڤركیان وهیڤیدكه‌ین ئه‌م بشێن ل خولا بهێت پێشوازیێ ل قوتابیێن هه‌وه بكه‌ین، ئه‌ف بریاره هاته دان بشێوازه‌كێ ئاشكرایى ژلایێ پروفیسور تون لیفارد لده‌مێ خه‌لاتكرنا تیمێن سه‌ركه‌فتى د به‌ریكانێ دا).
بۆ پتر پێزانینان لسه‌ر ڤێ به‌ریكانێ هیڤیه سه‌ره‌دانا ڤى لاپه‌رێ لخوارێ بكه‌ن:
https://www.facebook.com/55855613937/photos/?tab=album&album_id=10155321583818938