كولیژا یاسا
ل ژێر چاڤدێریا كولیژا یاسا وزانستێن رامیاری/ زانكویا دهوك وبهەڤكاری دگەل ئێكەتیا پەرلەمانتارێن كوردستانێ – بوردێ مافێ چارەنڤیسی كوڕەك هاتە گرێدان ل دور كوڕەك ل دور پرسا ریفراندومێ ومیكانیزما دروست بوونا دەولەتێ ل باشورێ كوردستانێ، ل روژا ئێك شەمبی رێكەفتی 7/5/2017 ل دەمژمێر (10) دەهی سپێدی ل هولا كونگرا/ زانكویا دهوك.
ودچارچوڤێ ڤی كوڕی دا چەند كاغەزێن كاری (أوراق عمل) لدور ریفراندومێ بۆ دیاركرنا چارەنڤیسی وجورێن وێ ومیكانیزمێن ئەنجامدانا وێ بۆ دروست كرنا دەولەتێ ل باشورێ كوردستانێ هاتنە پێشكێشكرن. وئەڤ كاغەزێن كاری هاتنە پێشكێشكرن ژلایێ هەر ئێك ژ:
1. ماموستا علی وماموستا سیداد ئەندامێن ئێكەتیا پارێزەرێن كورد – ئەوروپا ل ئەوروپا، وبابەتێ وان یێ گرێدای بۆ ریفراندوما چاڤەرێ كری بهێتە ئەنجامدان ل باشورێ كوردستانێ، ودوپات كر كو شەنگستێن ئەنجامدانا ریفراندومێ وبسەرئێخستنا ل باشورێ كوردستانێ هەنە بەلكو ئەو پێشكەفتنا ل باشورێ كوردستانێ هەی ل سەر ئاستێ رامیاری، ئابووری وئاڤەدانكرنێ پترە ژ گەلەك وەلاتێن سەربخو. هەر وەسا خویاكر كو وان پێگەهەكێ ئەلكترونی یێ تایبەت ب ریفراندوما باشورێ كوردستانێ چێكریە ژ بۆ چێگرنا بوچوونەكا گشتی یا ئەوروپی كو پشتەڤان وهاریكاربیت بۆ مافێ باشورێ كوردستانێ د سەربخوبوونێ دا.
2. د. عبد الباری ئەلمودەرس ئەندامێ ئێكەتیا پەرلەمانتارێن كوردستانێ – بوردێ مافێ چارەنڤیسی، كاغەزەكا كاری ل دور ریفراندومێ وجورێن وێ وگرنگیا هەبوونا یاسایەكا پێشوەخت كو ژ پەرلەمانی بدەركەڤیت بۆ رێكخستنا ریفراندومێ پێشكێشكر.
3. د. ئەڤین خالد عبد الرحمن ژ كولیژا یاسا وزانستین رامیاری رابوو ب پێشكێشكرنا كاغەزەكا كاری ل دور رێكێن چێبوونا وەلاتان (جودابوون، ژێكڤەبوون، ئێكگرتن) وشەنگستێ یاسایی بۆ چێبوونا وەلاتان (مافێ چارەنڤیسی، دستورێ وەلاتی) وددیڤدا بابەتێ مافێ باشورێ كوردستانێ د سەربخوبوونێ دا (شەنگستێ نێڤدەولەتی، شەنگستێ ناڤخویی).
وبدوماهی هاتنا پێشكێكرنا كاغەزێن كاری دەرگەهێ دان وستاندنێ ل بەرامبەر بەرهەڤبوویا هاتە ڤەكرن كو ژمارەكا پسیارا هاتنەكرن وبەرسڤ ل سەر هاتە دان.