سەرۆکێ زانکۆیا دهۆک ب هەلکەفتا هاتنا جەژنا رەمەزانا پیرۆز پەیامەکی بەلاڤ دکەت

ب هەلکەفتا هاتنا جەژنا رەمەزانا پیرۆز گەرمترین پیرۆزباهیا ئاراستەی هەمی خەلکێ کوردستانێ بگشتی و ماموستا و قوتابی و فەرمانبەرێن زانکۆیا دهۆک بتایبەتی دکەم، هیڤیا مە ئەوە جەژنا ئەڤ سالە ب خۆشی و تەندروستی ب سەر مە هەمیان دەرباز ببیت.

هەر ب ڤێ هەلکەفتێ ب پێدڤی دزانم سوپاسیا هەمی مامۆستا و فەرمانبەرێن زانکۆیێ بکەم کو سەرەرایی هەبونا پەتایا کۆرۆنایێ و قەدەغەیێن هاتن و چوونێ، ئەو شیان ب گیانێ بەرپرسیاریێ بەرامبەر قوتابیێن خو پرۆسا خاندنا ئەڤ سالە بپارێزن و نەهێلاین سالەکا خاندنێ ژ قوتابیان بچیت.

داخازێ ژ خودایێ مەزن دخازین رۆژی و عیبادەتێ هەمی لایەکی قەبیل بکەت و ئاشتی و ئارامی و سەقامگیریا هەرێما کوردستانێ هەر پاراستی بمینیت.

دووبارە هیڤیدارم هەمی روژێن وە هەر جەژن بن و جەژنێن وە پری خۆشی و بەختەوەری بن.