لژێر چاڤدێریا سەرۆكێ زانكۆیا دهۆك (پ.د. مصلح محەمەد سەعید دهۆكی) و لژێر درووشمێ (زانست دخزمەتا جڤاكیدا) و ب بەرهەفبوونا ه. سەرۆكێ زانكۆیێ بۆ كارۆبارێن قۆتابیان (د. مێڤان عارف بادی) و ه. سەرۆكێ زانكۆیێ بۆ كارۆبارێن كارگیری (د. حەجی موسا) و راگرێ و مامۆستا و قۆتابیێن كولیژا زانست پیشانگەها (5)یا بەرهەمێن قۆتابیێن دەرچوویی ل كەمپا زانكۆیێ هاتە ڤەكرن.
د. ئازاد نەقشەبەندی راگرێ كولیژا زانستی ل زانكۆیا دهۆك گۆت: لرێكەفتی 11/5/ 2017ێ، مە پێنچەمین پیشانگەها كولیژا زانست ڤەكر، كۆ وەك فیستەڤالەكێ یە و هەمی پشكێن كولیژێ دپشكدارن (كیمیا و ماتماتیك و فیزیك و بایلوجی و كومپیوتەر) كۆ هەمی قۆتابیێن دەرچوویێن قۆناغا چوارێ پرۆژەیێن خۆ دیار كرن و وەك ئارەزوو ئەڤ داهێنانە كریە داكۆ پێشكێشی جڤاكی بكەن.
ئەڤە پتر دەلیڤێ خوش دكەت جڤاك بزانیت كولیژا زانست یێ كەسێن ئەكادیمی بەرهەڤ دكەت داكۆ خزمەتا خەلكێ بكەن وەك. راگرێ كولیژا زانست گۆتی: ئەڤە پرۆژەیێ دەرچوونێ نە یێن قۆتابیان و بتنێ بۆ هندێ یە قۆتابی شیانێن خۆ دیار بكەن و بزانن دێ چەوا پشتی دەرچوونا خۆ خزمەتا جڤاكێ خو كەن.
د. شیرین عوسمان سەرۆكا پشكا كیمایێ گۆت: ئەڤە بۆ جارا دوویێ یە ئەڤ پیشانگەهە د ئێتە ئەنجامدان كۆ تاقیكرنا قۆتابیانە ژبۆ زانستێ كیمیایێ و دبیتە پرۆژەیێن دەرچوویا قۆتابیان.
ئەڤ پرۆژە هەمی ب پلاستیكی و ب دەستێ قۆتابیان هاتینە دروستكرن وەك د. شیرین گۆتی: دا هەموو دونیا بزانیت كورد ب قەلەم و جەك یێ خەباتا خۆ دكەن ژبۆ پێشڤەبرنا كوردستانێ د هەمی بوراندا.
د. شەیما عادل ژ پشكا ماتماتیك گۆت: هەر تشتەكێ گرنك دناڤا ماتماتیكی دا ئەڤرۆ ل ڤێ پیشانگەهێ هاتیە دیاركرن و ب تایبەت رێژا چوونیەتیێ دناڤ لەشێ مرۆڤی دا، دیسان گرۆپەكی لسەر ماسكێ سەرۆچاڤان ب شێوەكێ بیركاری دروست كریە و چەندین پوستەر دگرنگێن دبیركاریێ دا و دژیانا مەیا رۆژانەدا و ب شێوەیێن عەقلانی لسەر بیركاریێ دروستكرینە.
د. شەیما گۆت ژی: قۆتابیێن مە پرۆژەك درۆستكریە دێ چەوا شێن ب كێمترین زیان هاریكاریا گەهینە جەپەرا ددەمێ شەراندا، دیسان لسەر گرافی شولكریە، كۆ چەوان دێ شێن تورێن ئەنترنێتی و سایتێن پێشكەفتی دروستكەن بكمترین خوسارەت و وەستاین.
م. نیرۆژ كامل ژ لێژنا ئامادەكار ل پشكا فیزیكێ گۆت: كولیژا زانست بۆ سالا پێنجێ یە و پشكا فیزیك بۆ سالا سیێ یە ڤێ پیشانگەهێ ئەنجام ددەت كۆ پرۆژەیێن دەرچوویێن قۆتابیان نمایش دكەن.
ئارمانج ژ ڤێ پیشانگەهێ دیاركرنا رۆلێ فیزیكێ یە د ژیانا رۆژانەدا وەك م. نیرۆژ كامل گۆتی: و هاندانا لاوان ژبۆ داهێنانێ دبیاڤێن زانستێن كارەكیدا و ئاراستەكرنا لاوان ژبۆ پەیداكرنا دەرفەتێن كاری یێن نوو، دیسان دا لاو بەرەڤ بخوخویاتیێ ڤە بجن و هەولدەن پێدڤیێن ناڤ بازاری ژ هندەك كەل و پەلا تێر بكەن، دهەمان دەمدا جارەسەریا ئاریشە و ئاستەنگێن پەیدا دبن ددەزگەهێن میری و كەرتێ تایبەت دا.
م. نەرمین سەعید ژ پشكا بایلوجی گۆت: ئەڤە پیشانگەها ئێكێ یا پشكا بایلوجی و یا پێنچێ یە ل كولیژێ و براستی ڤەكرنا ڤێ پیشانگەهێ كارەكێ شارستانی یە كۆ قۆتابی ژ سەقایێ خواندنێ دەردكەفیت و فیری گەلەك تشتێ نوو دبیت ژ زانستێ بایلوجی.
كارەكێ مەزنە قۆتابی ئەنجامدەن وەك نەرمین سەعید گۆتی: ئەڤە دبیتە ئەگەرێ پتر ڤەكرنا مێشكێ قۆتابی و چ نمرە لسەر نینن بتنێ دا بزانینن قۆتابێ مە چەند فێری زانستێ بایلوجی بوویە و گرنگی و پرنسیپێن ڤی زانستی بزانن، نموونەیێن لڤێرە هاتینە نمایشكرن بەكتریا و فایروسات و ئامیرێن بكار دئینن و پوستەراتێن.
م. هەلات ئەحمەد ژ لێژنا ئامادەكار پیشانگەهێ ل پشكا كومپیوتەری گۆت: دڤێ پیشانگەهێدا بۆ قۆتابیان گرنگیا بەرهەمێن وان دیار دبیت و پتر دبیتە پێشتەڤان بۆ قۆتابی كۆ پشتی دەرچوونا خۆ داهێنانێ دپسبوریا خودا بكەت
راگەهاندنا زانكۆیا دهۆك: هەلز عەلی سەلیم
فوتو: محەمەد بێسكی